روت 2:4 - کیتاب مقدّس به گیلکی (رشتی)

⁴ چند ساعت بوگوذشته‌بو کی بوعَز، بیت‌لحمٚ جأ فأرسه، خو خرمن‌چینأنَ سلام بده و بوگفته: «خوداوند شمرَ بدأره!» اوشأنم جواب بدَه‌ییدی: «خوداوند ترَ برکت فدَه!»

روت 2:4 ပူးပေါင်းရင်းမြစ်များ

پیدایش 18:19

چره کی من اونَ انتخاب بوکودم کی اون خو خانواده و خو زأکأنَ فرمان بده کی بعدٚ خودش می دستورأنَ اجرا بوکونید و راستی و عیدالتَ بجا بأورید، تا منم هرچی‌یَ کی ایبراهیمَ وعده بدَه‌بوم، بجا بأورم.»

لوقا 1:28

فرشته بوشو مریمٚ ورجأ و بوگفته: «سلام ترَ گم اَی کسی کی خودا ترَ لطف بوکوده. خوداوند تی اَمرأ‌یه.»

روت 2:3

پس روت بوشو کشتزارٚ دورون تا کارگرأنٚ دونبألسر جو اوچینه. دسٚ بر قضا، مالکٚ او تیکه زیمین بوعَز بو.

روت 2:5

بوعَز خو سرکارگرَ وَورسه: «او دُختر، کویتأ خانواده جأ ایسه؟»

روت 4:11

تومامٚ مردوم و ریش سیفیدأنی کی شهرٚ دروازه میأن ایسَه‌بید، بوگفتیدی: «اَمأن شاهد ایسیم. زنی‌یَ کی تی خانه دورون اَمون دره، خوداوند اونَ راحیل و لیَه مأنستن چأکونه، کی هر دوتأن یعقوبٚ‌ره ایتأ عالمه زأی بأوردیدی. اِفراتَه دورون خوشبخت و بیت‌لحمٚ میأن معروف بیبید