روت 2:12 - کیتاب مقدّس به گیلکی (رشتی)

¹² خوداوند، ترَ تی کارأنٚ وأسی عوض فده. خوداوند، خودایٚ ایسرائیلٚ ورجأ کی بمویی تا اونٚ بال و پرٚ جیر پناه بأوری، ترَ پیله پاداشٚ نیکو فده.»

روت 2:12 ပူးပေါင်းရင်းမြစ်များ

مزامیر 17:8

مرَ تی چومأنٚ نی‌نی مأنستن حفظ بوکون و مرَ تی پر و بالٚ جیر جیگا بدن،

مزامیر 19:11

تی ختمتگوزار اوشأنٚ جأ یاد گیره هر کی‌یم اوشأنٚ جأ ایطاعت کونه، پیله پاداش فیگیره.

مزامیر 36:7

خودایا، تی موحبت چقدر ارزش دأره! آدمی‌زاده‌یأن تی پر بالٚ سایه جیر پناه گیریدی.

مزامیر 91:4

اون خو پر و بالٚ مره ترَ جیگا دهه و اونٚ بالأنٚ جیر پناه گیری؛ اونٚ وفاداری تی سپرٚ موحافظ به.

متّی 23:37

«اَی اورشلیم، اَی اورشلیم، اَی شهری کی پیغمبرأن و رسولأنی‌یَ کی تی ورجأ اوسه کوده بیدی، کوشی و سنگسار کونی! چند بار بخوأستم ایتأ مرغٚ مأنستن کی خو جوجه‌یأنَ خو پر و بالٚ جیر جمَ کونه، تی زأکأنَ هوطویی جمَ کونم، ولی تو نخوأستی.

متّی 5:12

خوشحال بیبید و شادی بوکونید، چونکی بأزین آسمانٚ جور پیله پاداش شیمی شین به، چره کی هَطویم پیغمبرأنی کی پیشتر بموییدی اذیت و آزار بیده‌ییدی.

متّی 6:1

«مواظب بیبید شیمی دوروستکاری‌یَ مردومأنٚ چومأنٚ جُلُو، خودنمایی وأسی انجام ندید. اگه اَ کارَ بوکونید، هیچ پاداشی شیمی آسمانی پئرٚ ورجأ نأریدی.

لوقا 6:35

شومأن وأ شیمی دوشمنأنَ دوس بدأرید و اوشأنَ خُبی بوکونید و پولی‌یَ کی قرضَ دیهیدی، اونٚ پسَ گیفتنٚ رافا نئیسید. بأزین ایتأ پیله پاداش آسمانٚ جور فیگیریدی. شیمی هَه کارأنٚ اَمرأ موتعالٚ خودا زأکأن بیدی، چونکی خودا خطاکارأن و ناسپاسانٚ اَمرأ مهربانی مره رفتار کونه.

روت 1:16

ولی روت بوگفته: «مرَ وادار نوکون تی جأ سیوأ ببم، وأگردم. تو هر جا بیشی منم تی اَمرأ اَیم. هر جا تو بِیسی، منم اویه ایسم. تی قوم می قوم، تی خودا می خودا به.

روت 2:11

بوعَز بوگفته: «من بیشنأوستم از وختی کی تی مرد بمرده تی مردٚ مارَ چی کارأنٚ خُبی انجام بدَیی، تی پئر و مار و تی زادگاهَ ترک بوکودی، بمویی قومی ورجأ کی اوشأنَ نشنأختی.

روت 2:13

روت وأگردسته بوگفته: «آقا جان، امید دأرم کی هَطو می اَمرأ مهربان بمأنی. تی موحبتٚ گبأن مرَ دیلگرمی ایسه. البته دأنم کی تی کنیزأنٚ مأنستن نی‌یم.»

روت 4:15

اَ پسر تی زندگی‌یَ تازه کونه و تی عصایٚ پیری به، چونکی تی عروس کی ترَ دوس دأره و هفت‌تأ پسرٚ جأ نیکوتره، او زأکَ به دونیا بأورده.»