مزامیر 71:2 - کیتاب مقدّس به گیلکی (رشتی)

² تی عیدالتٚ مره، مرَ آزاد و خلاصَ کون. می دوعایَ گوش بوکون و مرَ نجات بدن.

مزامیر 71:2 ပူးပေါင်းရင်းမြစ်များ

مزامیر 31:1

اَی خوداوند، ترَ پناه بأوردم، ونأل هیوخت خجالت زده ببم. تی عیدالتٚ وأسی مرَ خلاصَ کون.

مزامیر 17:6

خودایا، ترَ دوخوأنم، چونکی می جوابَ دیهی؛ می گبأنَ بیشنو و گوش بوکون.

دانیال 9:16

«اَی سرور، هَطو کی همیشه عیدالتَ بجا اَوری، تی خشم و غیظَ تی شهرٚ اورشلیم و تی موقدّسٚ کوهٚ جأ وأگردأن چونکی اورشلیم و تی قوم، اَمی گونایأن و اَمی پئرأنٚ نافرمانی وأسی، دیگر قومأنٚ جُلُو کی اَمی دور و ور زندگی کونیدی، روسوا بوبوستید.

مزامیر 34:15

خوداوندٚ چوم پارسا آدمأنَ فندره و اونٚ گوش، اَشأنٚ کومکٚ ایجگره صدایَ ایشنأوه.

مزامیر 17:2

تی حوضورٚ جأ مرَ حوکم بوکون؛ تی چومأن، اینصافٚ اَمرأ فندره.

مزامیر 31:2

می گبَ گوش بدن، هر چی زودتر می نجاتٚ وأسی بیأ؛ می امنیتٚ وأسی صخره بوبو و ایتأ قایمٚ قلعه کی مرَ نجات بدی.