مزامیر 7:9 - کیتاب مقدّس به گیلکی (رشتی)

⁹ اَی خودایی کی عادل ایسی، و دیلأن و فیکرأنٚ جأ وأخبری، شرورٚ آدمأنٚ شرارتَ جٚه بین ببر، دوروستکارٚ آدمأنَ پابرجا بوکون.

مزامیر 7:9 ပူးပေါင်းရင်းမြစ်များ

پیدایش 20:5

مگر ایبراهیم مرَ نوگفته کی: ‹اون می خأخوره›؟ و سارا خودشم نوگفته کی: ‹اون می برأره›؟ من دس و دیلٚ پاکٚ اَمرأ اَ کارَ بوکودم.»

مزامیر 10:15

شرورٚ آدمأن و بدکارأنٚ بالأنَ بشکن؛ اوشأنَ، شرورٚ کارأنٚ وأسی وأزخوأست بوکون تا کی اثری جٚه او کردکارأن باقی نمأنه.

مزامیر 10:18

تو به دادٚ یتیمأن و مظلومأن فأرسی تا اینسأنی کی خاکٚ جأ ایسه دِه نتأنه کسی‌یَ بترسأنه.

مزامیر 11:5

خوداوند، دوروستکار و شرورَ ایمتحان کونه اون، خو وجودٚ دورون اونی‌یَ کی خشونتَ دوس بدأره، بد دأره.

مزامیر 17:3

تو می دیلَ ایمتحان بوکودی، شب می ورجأ بمویی؛ مرَ ایمتحان بوکودی و هیچی نیأفتی، چونکی تصمیم بیگیفتم می دیل و زوانٚ اَمرأ گوناهی نوکونم.

مزامیر 18:21

چونکی خوداوندٚ رأیأنَ دونبأل بوشوم و بدکاری و شرارتٚ اَمرأ می دیمَ می خودا جأ وأنگردأنئم.

مزامیر 26:2

خوداوندأ، مرَ ایمتحان و آزمایش بوکون؛ می دیل و فیکرَ تصفیه بوکون.

مزامیر 35:23

ویریز، می جأ دفاع بوکون! اَی خودا، می سرور، می دادَ فأرس!

مزامیر 37:23

اگه خوداوند آدمٚ رأیَ خوش بدأره، اونٚ قدمأنَ قایمَ کونه؛

مزامیر 40:2

اون مرَ چاه هلاکتٚ جأ بیرون بأورده و چلٚ گیلٚ جأ بیرون فأکشه؛ می پایَ بنَه صخره سر می قدمأنَ موحکمَ کوده.

مزامیر 9:9

خوداوند، ستم بیده آدمأنٚ رِه ایتأ بولندٚ قلعه ایسه ایتأ جان‌پناه‌ سختی‌یأنٚ موقع.

دانیال 11:45

خو شاهانه چادرأنَ کوهٚ موقدّس و زیبا میأن کی اونٚ دو طرف دریا نهَه، بر پا کونه. ولی اونٚ اجل فأرسه و میره و هیکسم اونَ کومک نوکونه.»

اعمالٚ رسولأن 12:23

هو وخت، چون هیرودیس مردومَ وهأشته کی به جایٚ خودا اونَ پرستش بوکونید، خوداوندٚ فرشته‌یم اونَ زیمینگیرَ کوده و اونٚ جانٚ دورون کلم دکفته و اونَ ایپچه ایپچه بوخورده، بأزین اون بمرده.

۱پطرس 5:10

بعدٚ اَنکی ایتأ کوجه مودّت زمأت رنج بکشه‌ییدی، خودایی کی تومامٚ فیض اونٚ جأ ایسه، کی شمرَ در مسیح دعوت بوکوده کی خو جلالٚ اَبدی دورون شریک بیبید، خودش شمرَ دوواره راستَ کونه و شمرَ اوستوار، قودرتمند و پا بر جا کونه.