مزامیر 32:3 - کیتاب مقدّس به گیلکی (رشتی)

³ وختی ساکیت ایسَه‌بوم، کرأ جٚه بین شوئون دوبوم جٚه اَ خأطر کی تومامٚ روز جٚه دیل ایجگره زه‌ییم.

مزامیر 32:3 ပူးပေါင်းရင်းမြစ်များ

ایوب 3:24

چره کی آه کشئن، می نانه و می گریه زاری آبٚ مأنستن فیوِه.

ایوب 30:17

شب، می خاشأنَ سولاخَ کونه، و درد می جانَ جُوٚستَن‌دره و هیوخت آرامَ نیبه.

ایوب 30:30

می جانٚ پوست سیاهَ بوسته؛ می خاشأن تبٚ جأ سوختَن‌دره.

مزامیر 22:1

اَی خودا، می خودا، چره مرَ تنها بنَه‌یی دور ایسَه‌یی و مرَ نجات ندی و می ایجگره صدایَ نیشنأوی؟

مزامیر 38:3

تی غیظٚ وأسی می جانٚ گوشت ساق و سالم نی‌یه؛ می گوناه وأسی می خاشأنٚ دورون هیچ سلامتی‌یی وجود نأره.

مزامیر 38:8

می جان بیشکفته و خسته‌یه، له و لورده بوبوستم؛ دیلٚ غورصه مره ناله کونم.

مزامیر 6:2

خوداوندأ، مرَ لطف بوکون چونکی دِه مِره جان و رمقی نمأنسته؛ اَی خوداوند، مرَ شفا بدن، چونکی می خاشأن دردٚ جأ ایشکفتَن‌دریدی.