مَرقُس 5:2 - کیتاب مقدّس به گیلکی (رشتی)

² وختی عیسی کرجی جأ پیادَه بوسته، ایتأ مردأی کی پلیدٚ روحٚ جأ گیرفتار بو، قبرستانٚ جأ بیرون بمو و اونٚ اَمرأ روبرو بوبوسته.

Gilaki New Testament

² وختی کی عیسا خو پأیَ بٚنأ سأحیلٚ رو، اینفر کی پٚلیدٚ روح جَا اسیر بو قبرستأنٚ جَا بیرون بأمؤ و اونَ بیدِه.

کتاب مقدس به زبان گیلکی - گویش شرقی

² وختی عیسی نوءَ جی بیرون بومَه یکته مَرداک که پلید روح اونه گرفتارَ گوده بو، هو موقع قبرستونَ جی بیرون بومه و اونه بدِه.

کتاب مقدس به زبان گیلکی - گویش رشت و غرب گیلان

² وقتی عیسی لوتکا جا پیاده بوست ایتا مردای کی پلید روح اون گرفتارَ کوده بو، درجا قبرستان جا بیرون بامو و اونَ بیده.

مَرقُس 5:2 ပူးပေါင်းရင်းမြစ်များ

مَرقُس 1:23

هو موقع اوشأنٚ کنیسه میأن ایتأ مردای ایسَه‌بو کی پلیدٚ روح دأشتی. اون فریاد بزه:

مَرقُس 1:26

بأزین او پلیدٚ روح او مردأکَ بد جور تکأن بدَه و نعره بزه و اونٚ جأ بیرون بمو.

مَرقُس 3:30

عیسی اَ گب اَنٚ وأسی بو کی گفتیدی: «پلیدٚ روح دأره.»

مَرقُس 3:9

اَنقدر جمعیت زیاد بو کی عیسی خو شاگردأنَ بفرمأسته ایتأ لوتکایَ اونٚ رِه حاضرَ کونید کی مردوم اونٚ رو هوجوم نأوردید.

مَرقُس 4:1

ایوار دِه عیسی دریاچه کنار تعلیم دَئنَ شروع بوکوده. ایتأ عالمه مردوم اونٚ دور جمَ بوستیدی جوری کی مجبورَ بوسته ایتأ لوتکایَ سوارَ به کی دریاچه دورون نهَه‌بو و بینیشته. مردومم دریاچه ساحلٚ دورون ایسَه‌بید.

مَرقُس 4:36

اوشأن مردومأنَ ترکَ کودیدی و عیسایَ هو کرجی اَمرأ کی اونٚ دورون ایسَه‌بو خوشأنٚ اَمرأ ببردیدی. چن‌تأ کرجی دیگرم اونٚ اَمرأ رأ دکفتید.

مَرقُس 5:21

عیسی ایوار دِه کرجی اَمرأ بوشو دریاچه او طرف. دریاچه کنار، ایتأ عالمه مردومأن اونٚ دور جمَ بوستید.

مَرقُس 5:3

او مردأی قبرستانٚ دورون زندگی کودی و دِه هیکس اونَ حریف نوبو کی حتی زنجیلٚ اَمرأ اونَ دٚوٚسته بدأره.

مَرقُس 5:8

چونکی عیسی اونَ بوگفته‌بو: «اَی پلیدٚ روح، اَ مردأکٚ جأ بیرون بیأ!»

مَرقُس 7:25

ایتأ زنأی کی اونٚ کوجه دُختر پلیدٚ روح دأشتی، وختی بیشتأوسته عیسی اویه ایسَه، فوری بمو و خورَه تأوده اونٚ پا جیر.

لوقا 8:27

وختی عیسی کرجی جأ پیادَه بوسته و ساحلٚ رو قدم بنَه، ایتأ مردأی اونٚ اَمرأ رودرو بوبوسته کی او شهرٚ شین بو و دیوأن اونَ گیرفتارَ کوده‌بید. خیلی زمأت بو کی نه لیباس دوکودی، نه خو خانه میأن زندگی کودی. همش قبرستانٚ دورون ایسَه‌بو.

لوقا 9:42

وختی کی اونٚ پسرَ اَوردن دیبید، دیو اونَ زیمین بزه و دوواره شروع بوکوده چک و پَر زِئن. عیسی او پلیدٚ روحَ نهیب بزه و او پسر شفا بیگیفته و عیسی اونَ بیسپرده اونٚ پئرٚ دس.