مَرقُس 13:3 - کیتاب مقدّس به گیلکی (رشتی)

³ وختی عیسی کوهٚ زیتونٚ سر، معبدٚ روبرو نیشته‌بو، پطرس و یعقوب و یوحنا و آندریاس خلوتی اونَ وأورسه‌ییدی:

Gilaki New Testament

³ وختی عیسا زیتونٚ کوه میأن، معبدٚ روبرو نیشته بو، پطرس و یعقوب و یوحنا و آندریاس خلوتٚ خلوتی بأمؤده اونی ورجأ و وأورسئده

کتاب مقدس به زبان گیلکی - گویش شرقی

³ وختی عیسی زیتون کوه سر، معبد رو به رو نیشته بو، پِطرُس و یعقوب و یوحنا و آندریاس خلوته میئن اونه جی بپورسِئن:

کتاب مقدس به زبان گیلکی - گویش رشت و غرب گیلان

³ وقتی عیسی معبد روبرو زیتون کوه سر نیشته بو، پِطرُس، یعقوب، یوحنا و آندریاس خلوتی درون اون جا واورسه ئید:

مَرقُس 13:3 ပူးပေါင်းရင်းမြစ်များ

متّی 13:10

بأزین شاگردأن عیسی ورجأ بموییدی و وَورسه‌ییدی: «چره مردومٚ رِه مٚثٚلٚ اَمرأ گب زنی؟»

متّی 13:36

بأزین عیسی مردومأنَ ترکَ کوده و بوشو خانه دورون. او وخت اونٚ شاگردأن اونٚ ورجأ بموییدی و بوگفتیدی: «مزرعه هرزٚ علفأنٚ مٚثٚلٚ معنی‌یَ اَمِره بوگو.»

متّی 17:1

شیش روز کی بوگوذشته، عیسی، پطرس و یعقوب و اونٚ برأر، یوحنایَ اوسأده و اوشأنَ خو اَمرأ ببرده ایتأ کوهٚ بولندٚ جور کی هیکس اویه نِیسه‌بو.

متّی 21:1

وختی عیسی خو شاگردأن اَمرأ اورشلیمٚ نزدیکَ بوستَن دوبو، فأرسه‌ییدی بیت‌فاجی دیهات کی کوهٚ زیتونٚ دامنه میأن نهَه‌بو و دو‌تأ جٚه اوشأنَ اوسه کوده

متّی 24:3

وختی عیسی کوهٚ زیتونٚ رو نیشته‌بو، شاگردأن اونٚ ورجأ بموییدی و محرمانه وَورسه‌ییدی: «اَمرَ بوگو اَ ایتفاقأن کِی دکفه و نیشانه‌یٚ تی اَمون و آخرٚ زمان چیسه؟»

مَرقُس 10:35

یعقوب و یوحنا، زِبدی پسرأن، بموییدی عیسی ورجأ و بوگفتید: «اوستاد، خوأهش کونیم او چیزی کی تی جأ درخوأست دأریم، اَمِره انجام بدی.»

مَرقُس 13:4

«اَمرَ بوگو اَ ایتفاقأن کِی دکفه و وختی قراره تومامٚ اوشأن ایتفاق دکفید، چی نیشأنه‌یی ظاهیرَ به؟»

مَرقُس 14:33

بأزون پطرس و یعقوب و یوحنایَ خو اَمرأ ببرده و پریشأن و دیل‌نیگرانَ بوسته

مَرقُس 4:34

اون جز مٚثٚلٚ اَمرأ هیچی اوشأنَ نوگفتی، ولی وختی خو شاگردأنٚ اَمرأ خلوتٚ جیگا ایسَه‌بو، همه چی‌یَ اوشأنٚ رِه توضیح دَیی.

مَرقُس 5:37

و ونأشته هیکس غیرٚ پطرس و یعقوب و یوحنا، یعقوبٚ برأر، اونٚ دونبألسر بشه.

مَرقُس 9:2

شیش روز کی بوگوذشته، عیسی پطرس و یعقوب و یوحنایَ اوسأده و فقط اوشأنَ خو اَمرأ ببرده ایتأ کوه جور کی خوشأنٚ رِه خلوتَ کونید. اویه اوشأنٚ جُلُو اونٚ لیباسأن و اونٚ دیمٚ رنگ وأگردسته.