مَرقُس 10:2 - کیتاب مقدّس به گیلکی (رشتی)

² بعضی جٚه فریسیأن بموییدی اونٚ ورجأ و ایمتحان کودنٚ وأسی وأورسه‌ییدی: «ینی ایتأ مردأکٚ رِه جایزه خو زنَ طلاقَ دٚه؟»

Gilaki New Testament

² بأزین بعضی جٚه فریسیأن بأمؤده کی بوگو موگو اَمرأ اونی موچَ بیگیرٚد. پس عیسایَ بوگفتد: «آیا مردأی ایجأزه دأره خو زنَ طلأقَ ده؟»

کتاب مقدس به زبان گیلکی - گویش شرقی

² فَریسی فرقه عالمون اونه ورجه بومَئن و اونه امتحون گودن وَسه اونای بپورسئن: «شرعا درست ایسّه که مَرداک خوشِ زناک طلاق بدی؟»

کتاب مقدس به زبان گیلکی - گویش رشت و غرب گیلان

² فَریسی فرقه عالمان عیسی ورجه باموئید و اونَ امتحان کودن ره واورسه ئید: «شرعا دُرُسته کی مرد خو زنَ طلاق بده؟»

مَرقُس 10:2 ပူးပေါင်းရင်းမြစ်များ

متّی 15:12

او وخت شاگردأن اونٚ ورجأ بموییدی و بوگفتیدی: «دأنی کی فریسیأن تی گبأنٚ بیدیل بیگیفتید؟»

متّی 16:1

او وخت فریسیأن و صدّوقیأن بموییدی عیسی ورجأ کی اونَ ایمتحان بوکونید. هَنٚ وأسی اونٚ جأ بخوأستیدی تا ایتأ نیشانه‌یٚ آسمانی اوشأنٚ رِه بأوره.

متّی 19:3

بعضی جٚه فریسیأنم اونٚ ورجأ بموییدی تا اونَ ایمتحان بوکونید. اوشأن عیسایَ وَورسه‌ییدی: «آیا ایتأ مردأکٚ رِه جایز ایسه به هر دلیلی کی خودش قوبیل دأره، خو زنَ طلاقَ ده؟»

متّی 22:35

ایتأ جٚه اوشأن کی معلّمٚ شریعت بو، اَ منظورٚ اَمرأ کی عیسایَ به دام تأوده، اونَ وَورسه:

متّی 23:13

«وای بر شومأن، اَی دینٚ علما و فریسیأنٚ ریاکار! شومأن آسمانٚ پادشایی درَ مردومٚ‌ره دَودیدی؛ خودتأن واردَ نیبیدی و ونألید اوشأنی‌یم کی خوأییدی، بیشید بودورون.

متّی 9:34

ولی فریسیأن بوگفتیدی: «اون، رئیسٚ دیوأنٚ کومکٚ اَمرأ دیوأنَ بیرونَ کونه.»

مَرقُس 10:1

عیسی او محلَ ترکَ کوده و بوشو یوهودیه دور و اطراف و اُردُنٚ روخانٚ او طرف. دوواره مردومأن اونٚ دور و ور جمَ بوستید و اون، همیشه مأنستن اوشأنَ تعلیم دَ‌یی.

مَرقُس 10:3

عیسی جواب بدَه: «موسی شمرَ چی حوکمی فأدَه؟»

مَرقُس 8:11

فریسیأن بموییدی عیسی ورجأ و شروع بوکودید اونٚ اَمرأ بحث کودن. اوشأن اونٚ ایمتحان کودنٚ وأسی اونٚ جأ بخوأستید کی ایتأ نیشأنه آسمانٚ جأ اوشأنٚ رِه بأوره.

مَرقُس 8:15

عیسی اوشأنَ هوشدار بدَه و بفرمأسته: «شیمی حواس بمأنه، فریسیأن و هیرودیسٚ تورشٚ خمیرٚ جأ دوری بوکونید.»

لوقا 11:39

بأزین عیسایٚ خوداوند او فریسی‌یَ بفرمأسته: «شومأن فریسیأن شیمی ظاهیرَ چأکونیدی ولی شیمی دورون حرص و طمأ جأ پور ایسه و شیمی ذات خرابه.

لوقا 16:14

فریسیأن کی اَ گبأنَ بیشتأوستید عیسایَ مسخره بوکودید، چونکی پول دوست بید.

لوقا 5:30

فریسیأن و ایتأ عده‌یی جٚه اوشأنٚ دینٚ علما کی اوشأنٚ فرقه جأ بید، عیسی شاگردأنَ ایراد گیفتیدی و بوگفتید «شومأن چره باجگیرأن و گوناهکارأنٚ اَمرأ غذا خوریدی؟»

لوقا 6:7

دینٚ علما و فریسیأن منتظرْوخت بید، کی بیدینید عیسی او مردأکَ شبّات روزٚ رِه شفا دهه یا نده، چونکی بهانه دونبأل بید کی اونَ محکوم بوکونید.

لوقا 7:30

ولی فریسیأن و دینٚ علما کی یحیی تعمیدَ قوبیل نوکوده‌بید، نقشه‌یی کی خودا اوشأنٚ رِه بکشه‌بو، ردَ کودید.

یوحنا 11:47

پس پیله کاهنأن و فریسیأن بینیشتیدی و مشورت بوکودیدی. بوگفتیدی: «چی بوکونیم؟ اَ مرد معجزاتٚ زیادی ظاهرَ کونه.

یوحنا 11:57

امّا پیله کاهنأن و فریسیأن دستور بدَه بید کی هر وخت کسی بدأنه عیسی کویه ایسه، خبر بده تا اونَ دسگیر بوکونید.

یوحنا 7:32

امّا فریسیأنٚ گوش فأرسه کی مردوم درباره‌یٚ عیسی اَجور همهمه کونیدی. پس پیله کاهنأن و فریسیأن، قراولأنٚ معبدَ اوسه کودیدی تا اونَ گیرفتارَ کونید.

یوحنا 7:48

آیا از حاکمأن یا فریسیأن کسی ایسه کی اونَ ایمأن بأورده بی؟

یوحنا 8:6

اَنه بوگفتیدی تا اونَ ایمتحان بوکونید تا ایتأ بهانه‌یی بدأرید و اونَ محکوم بوکونید. امّا عیسی خو سرَ بیجیر تأودَه و خو انگوشتٚ اَمرأ زیمینٚ رو نیویشتی.