لوقا 7:2 - کیتاب مقدّس به گیلکی (رشتی)

² اویه ایتأ افسرٚ رومی ایسَه‌بو کی ایتأ نوکر دأشتی کی اونٚ‌ره خیلی عزیز بو. نوکر مریضَ بوسته و کراَ مردن دوبو.

Gilaki New Testament

² او شهرٚ دورونی، ایتأ رومی افسر، ایتأ غولأم دأشتی کی خٚیلی اونَ دوس دأشتی، او غولأم مریضٚ بوسته و مٚردأندوبو.

کتاب مقدس به زبان گیلکی - گویش شرقی

² اوره یکته رومی افسر ایسابو که یکته غلؤم داشت خیلی اونه عزیز بو. غلؤم ناخوش بو و مرده دبو.

کتاب مقدس به زبان گیلکی - گویش رشت و غرب گیلان

² اویا ایتا رومی افسر ایسابو، غُلامی دَشتی کی اون ره خَیلی عزیز بو. غُلام ناخوش بو و مَردن دوبو.

لوقا 7:2 ပူးပေါင်းရင်းမြစ်များ

پیدایش 24:27

و بوگفته: «موتبارک ببه خوداوند، می سرور ایبراهیمٚ خودا، کی خو محبت و وفاداری‌یَ می سرورٚ جَا دریغ نوکوده. و درباره‌یٚ من، خوداوند مرَ هیدایت بوکوده کی بشم می سرورٚ فامیلأنٚ خانه.»

ایوب 31:5

«اگه دورُغٚ اَمرأ رأ بوشوم، و می پایأن فریب دَئنٚ وأسی توندَ گیفتی،

متّی 27:54

وختی سربازأنٚ فرمأنده و اونٚ سربازأن کی مأمورٚ نگهبانی جٚه عیسی بید، زیمین لرزه و همه‌یٚ او ایتفاقأنَ بیده‌ییدی، خیلی بترسه‌ییدی و بوگفتیدی: «رأس رأسی اون خودا پسر بو.»

لوقا 23:47

سربازأنٚ فرمأنده کی وأستی حوکمَ اجرا بوکوده‌بی، وختی او ماجرایَ بیده، خودایَ ستایش بوکوده و بوگفته: «رأس رأسی اَ مردای بی‌گوناه بو!»

لوقا 7:1

وختی کی عیسی خو گبأنَ مردومٚ‌ره بزه، وأگردسته بمو کفرناحومٚ شهرٚ دورون.

لوقا 7:3

افسرٚ رومی چیزأنی عیسی جأ بیشنأوسته‌بو. هَنٚ وأسی چن‌تأ یهودی قومٚ پیله کسأنَ اوسه کوده و عیسی جأ خوأهش بوکوده کی بأیه و اونٚ نوکرَ شفا بده.

لوقا 8:42

چونکی اونٚ ایتأ دأنه دُختر کی دوازده سال دأشتی مردَن دوبو. عیسی اونٚ خوأهشَ قوبیل بوکوده. وختی کی اونٚ خانه طرف شوئون دوبو، مردوم جٚه هر طرف اونَ فشار اَوردیدی.

اعمالٚ رسولأن 10:1

قیصریه شهرٚ میأن ایتأ مردای زندگی کودی، کُرنِلیوس نام، کی هنگٚ رومیأنٚ افسر بو. اونٚ هنگ معروف به «هنگٚ ایتالیایی» بو.

اعمالٚ رسولأن 10:7

وختی فرشته‌یی کی اونٚ اَمرأ گب زِئن دوبو بوشو، کُرنِلیوس دو نفرَ جٚه خو خادمأن و ایتأ جٚه خودشٚ سپاهیأنٚ مخصوصَ کی ایتأ پارسا مردای بو، دوخوأده

اعمالٚ رسولأن 22:26

افسرٚ رومی وختی اَ گبأنَ بیشنأوسته، بوشو فرمانده ورجأ، اونَ بوگفته: «چی کودن دری؟ دأنی کی اَ مردای رومٚ امپراطوری تبعه ایسه؟»

اعمالٚ رسولأن 23:17

پولُس ایتأ افسرَ دوخوأده و بوگفته: «اَ جوانَ اوسه کون فرمانده ورجأ، چونکی اونٚ‌ره ایتأ خبر بأورده.»

اعمالٚ رسولأن 27:1

وختی قرار بر اَن بوبوسته کی اَمأن جٚه دریا بیشیم ایتالیا، پولُس و چند نفر جٚه زندانیأنٚ دیگرم بأورده بید و ایتأ افسری کی اونٚ نام یولیوس بو بیسپردیدی کی جٚه لشکرٚ گاردٚ قیصر بو.

اعمالٚ رسولأن 27:3

فردا روزٚ رِه، فأرسه‌ییم شهرٚ صیدون. افسر یولیوس، پولُسَ موحبت بوکوده، ایجازه بده کی بشه خو دوستأنی‌یَ کی هو شهرٚ دورونی دأشتی بیدینه.

اعمالٚ رسولأن 27:43

ولی افسرٚ رومی پولُسٚ نجاتٚ وأسی، اوشأنَ فرمان بده کی اَ کارَ نوکونید و بوگفته: «اوّل اوشأنی کی تأنیدی شنا بوکونید خوشأنَ تأودید دریا میأن و شناکونان به خشکی فأرسید.