لوقا 10:2 - کیتاب مقدّس به گیلکی (رشتی)

² قبلٚ اَنکی شاگردأن بیشید، عیسی اوشأنٚ رِه ایتأ مٚثٚل بزه: «محصول فراوانه ولی کارگر کم؛ شومأن وأستی صاب محصولٚ جأ بخوأیید کی کارگرأنٚ ویشتری محصولٚ جم کودنٚ‌ره اوسه کونه.

Gilaki New Testament

² و اوشأنَ بٚفرمأسته: «مأصول زیأده، امّا کأرگرآدم نفر کم. پس، صأب مأصول جَا بٚخأیید کی مأصولٚ جمَ کودنٚ وأسی، شٚمٚره ویشتر کأرگر آدم نفرأن اوسه کونه.

کتاب مقدس به زبان گیلکی - گویش شرقی

² ایشونه بوته: «بار فراوونِ، امّا کارگر کمَ. پَس، صاب بارای بخوائین خوشِ بار بِئنه به کارگر سرادای.

کتاب مقدس به زبان گیلکی - گویش رشت و غرب گیلان

² اَشان بگفت: «محصول فراوانه، ولی کارگر کم. پس، صاحاب محصول جا بخوائید خو محصول بِئِن ره کارگر اوسه کونه.

لوقا 10:2 ပူးပေါင်းရင်းမြစ်များ

متّی 20:1

آسمانٚ پادشایی ایتأ صاب باغَ مأنه کی صُبٚ دم بوشو بیرون تا خو انگور باغٚ رِه کارگرأنٚ روز مزد بیگیره.

مَرقُس 13:34

هَچین اینفرَ مأنه کی سفر بوشو بی و رأ دکفتنٚ موقع، خو ختمتکارأنَ بیسپرده‌بی کی خو خانه کارأنَ انجام بدید، و هر کی‌یَ ایتأ وظیفه خاص بیسپرده و دربانم بوگفته کی بیدار بِئسه.

مَرقُس 16:15

بأزون اوشأنَ بفرمأسته: «بیشید دونیا همه جا و خوروم خبرَ تومامٚ خلقٚ رِه موعظه بوکونید.

مَرقُس 16:20

اوشأنم بوشویید بیرون و همه جا موعظه بوکودید و خوداوند اوشأنٚ اَمرأ کار کودی و خو کلامَ، نیشأنه‌یأنی اَمرأ کی اوشأنٚ مره بو، ثابت کودی.

لوقا 9:1

عیسی خو دوازده‌تأ رسولَ دوخوأده خو ورجأ و اوشأنَ قوّت و ایجازه فدَه کی بتأنید تومامٚ دیوأنَ بیرونَ کونید و مریضأنم شفا بدید.

اعمالٚ رسولأن 11:19

بعدٚ اونکی استیفانَ سنگسار بوکودیدی، ایماندارأنٚ شکنجه و آزارم شروع بوبوسته‌بو، جٚه اَ خأطر ایماندارأن پخش و پلا بوبوستید و به فینیقیه و قبرس و اَنطاکیه بوشوییدی و خودا کلامَ جز یهودیأن هیکسٚ دیگرَ بشارت ندَییدی.

اعمالٚ رسولأن 13:2

ایتأ روزی کی اوشأن روزه گیفتن دیبید و خوداوندَ عیبادت کودن دیبید، روح‌القدس اوشأنَ بوگفته: «برنابا و شائولَ اینتخاب بوکونید به اَ خأطر کی من اوشأنَ خدمتی رِه دوخوأدم.»

اعمالٚ رسولأن 13:4

روح‌القدس شائول و برنابا‌یَ اوسه کوده کی بیشید بندرٚ سِلوکیه و جٚه رایٚ دریا فأرسه‌ییدی قبرس.

اعمالٚ رسولأن 20:28

مواظبٚ خودتأن و تومامٚ گله‌یی کی روح‌القدس شمرَ ناظرٚ اوشأن قرار بده بیبید، چونکی خودا او جمعٚ ایماندارأنَ به قیمتٚ خو خون بیهه. بأزین شومأن وأستی اوشأنَ خُب چوپانی بوکونید.

اعمالٚ رسولأن 22:21

«خوداوند عیسی مرَ بوگفته: ‹بوشو، چونکی من ترَ اوسه کونم، بیشی ایتأ جای دور غیریهودیأنٚ میأن.›»

اعمالٚ رسولأن 8:4

اوشأنی کی فرار بوکوده‌بید، هر جا کی شوییدی، خودا کلامَ بشارت دَییدی.

فیلیپیان 2:21

چره کی هر کی خو نفعٚ دونبأل دره، نه عیسی مسیحٚ کارأنٚ دونبأل.

فیلیپیان 2:25

هَطویم، لازم دأنم کی اِپافْرودیتوسَ اوسه کونم کی وأگرده بأیه شیمی ورجأ، هونی کی جٚه ای‌طرف می برأر و همکار و همرزمه و جٚه ایطرفٚ دیگر شیمی اوسه کوده خادم کی می ایحتیاجأنَ رفع بوکونه.

فیلیپیان 2:30

چره کی مسیحْ ختمت کودنٚ وأسی تا مرگٚ نزدیکی جُلُو بوشو و جٚه اَ خأطر کی خوأستی شیمی ختمتٚ کم و کسری‌یأنَ جبران بوکونه، خو جانَ بخطر تأودَه.