یونس 4:11 - کیتاب مقدّس به گیلکی (رشتی)

¹¹ پس چوطویی می دیل تأنه نینوا وأستی نوسوجه؟ شهری کی اونٚ مردومأنٚ تعداد یک صد و بیست هیزار نفرٚ جأ ویشتره کی هنوز خوشأنٚ راست و چپَ نشنأسیدی و هوطو اون همه حیوانم کی اویه ایسَه‌ییدی.»

یونس 4:11 ပူးပေါင်းရင်းမြစ်များ

پیدایش 9:10

هَطویم هر جانداری کی شیمی اَمرأ بو، جٚه پرنده‌یأن و وحشی و اهلی حیوانأن، ینی همه‌یٚ اوشأنی کی شیمی اَمرأ کشتی جأ بیرون بموییدی، ینی تومامٚ جاندارأنی کی زیمینٚ سر ایسَه‌ییدی.

مزامیر 36:6

تی عیدالت، کوهٚ مأنستن سر به فلک فأکشه و تی حوکمأن، دریا پیله جولفٚ جاجیگایأنَ مأنه. تویی، اَی خوداوند، کی اینسأن و حیوانَ نجات دیهی.

یونس 1:2

«ویریز بوشو نینوا، او پیله‌دأنه شهرٚ دورون، و اونٚ مردومٚ‌ره اعلام بوکون کی اوشأنٚ شرارتٚ جأ خبر دأرم.»

یونس 3:10

وختی خودا، نینوا مردومأنٚ کارأنَ بیده کی خوشأنٚ شرارتٚ جأ وأگردستید، رحم بوکوده و او بلایی کی خوأستی اوشأنٚ سر بأوره، دِه نأورده.

یونس 4:10

خوداوند بفرمأسته: «اَ گیاه ایتأ شبٚ دورون رُشت بوکوده و فردا شب خوشکَ بوسته. تو اونٚ رشدٚ وأسی هیچ زحمتی نکشه‌یی ولی تی دیل اونٚ‌ره بوسوخته.

متّی 18:33

ینی تو نوأستی تی همکارَ رحم بوکوده‌بی، هوطو کی من ترَ رحم بوکودم؟›