یونس 2:6 - کیتاب مقدّس به گیلکی (رشتی)

⁶ بوشوم هو جایی کی کویأن جٚه اویه بیرون بمو بید و زیمین تا اَبد مرَ به بند فأکشه. ولی تو بی، اَی خوداوند، می خودا، کی مرَ زنده گورٚ جأ بیرون فأکشه‌یی.

یونس 2:6 ပူးပေါင်းရင်းမြစ်များ

ایوب 33:24

و اونَ لطف بوکونه و خودایَ بگه: ‹ونأل اون، مورده‌یأنٚ دونیا دورون بشه چره کی اونٚ رِه ایتأ کفاره بیأفتم.›

ایوب 33:28

خودا می جانَ، مورده‌یأنٚ دونیا جأ نجات بدَه منم زندگی‌یٚ روشنایی‌یَ دینم.›

مزامیر 16:10

چونکی تو ونألی مورده‌یأنٚ دونیا میأن بِئسم و من کی تی سرسپرده ایسم، بعدٚ مردن، جٚه بین بشم.

مزامیر 18:5

مورده‌یأنٚ دونیا خو لافندأنٚ اَمرأ می دور وأپِخته‌بو و مرگٚ دام می چومأنٚ جُلُو نهَه‌بو.

مزامیر 30:3

خوداوندأ، تو می جانَ مورده‌یأنٚ دونیا جأ بیرون فأکشه‌یی؛ من گیلٚ جیر شوئون دوبوم ولی مرَ زنده بدأشتی.

مزامیر 30:9

«می مردن و می گیلٚ جیر شوئون چی بدرد خوره؟ ینی خاک ترَ ستایش کونه؟ و تی وفاداری جأ خبر دهه؟

متّی 16:18

منم گم کی تو پطرس ایسی و اَ صخره رو، می کلیسایَ بنا کونم و قودرتٚ مرگ، اونَ حریف نیبه.