یونس 1:9 - کیتاب مقدّس به گیلکی (رشتی)

⁹ یونس بوگفته: «من عیبرانی‌یم و خوداوند، خودای آسمانی‌یَ پرستش کونم، اونی کی دریا و خشکی‌یَ خلق بوکوده.»

یونس 1:9 ပူးပေါင်းရင်းမြစ်များ

پیدایش 1:10

خودا خوشکی‌یَ «زیمین» و آبأنَ کی ایتأ جا جمَ بوسته‌بید «دریا» نام بنَه و خودا بیده کی خُبه.

پیدایش 14:13

ایتأ جٚه کسأنی کی بتأنسته‌بو دوشمنٚ دسٚ جَا فرار بوکونه بَمو ابرامٚ عبرانی ورجه و همه چی‌یَ اونَ خبر بدَه. زمانی بو کی ابرام مَمری اموری پیله بلوطٚ درختأنٚ نزدیکی زندگی کودی. مَمری، اِشکول و عانرٚ برأر بو و اوشأن ابرامٚ اَمرأ هم پیمان بید.

پیدایش 24:7

خوداوند، آسمانٚ خودا، کی مرَ می پئرٚ خانه و می فک و فامیلأنٚ سرزیمینٚ جَا بیرون بأورده، می اَمرأ گب بزه و مِره قسم بوخورده کی اَ سرزیمینَ تی زأکأنَ بخشم، اون خو فرشته‌یَ تی جُلُو اوسه کونه تا او سرزیمینٚ جَا می پسرٚ ره زن فیگیری.

پیدایش 39:14

خانه نوکرأنَ دوخوأده، بوگفته: «بیدینید، می مرد، اَ عبرانی‌یَ بأورده به خانه کی اَمرَ رسوا بوکونه. اون بَمو بو کی می اَمرأ همخواب ببه، منم فریاد بزم.

عِزرا 1:2

«کوروش، پارسٚ پادشا، اَطو فرمأیه: یهوه، آسمانأنٚ خودا، تومامٚ دونیا سرزیمینأنَ می دس بیسپرده و مرَ فرمان بدَه اورشلیمٚ میأن کی یهودا اوستانٚ دورون نهَه، ایتأ معبد اونٚ رِه چأکونم.

عِزرا 5:11

اوشأن اَطویی اَمی جوابَ بدَه‌ییدی: ‹اَمأن خودایٚ آسمان و زیمینٚ ختمتگوزارأنیم و اونٚ معبدَ دوواره چأکودَن‌دریم کی اولأرسالان ایتأ جٚه ایسرائیلٚ پیله پادشایأن چأکوده و اونَ کامیلَ کوده‌بو.

ایوب 1:9

شیطأن وأگردسته بوگفته: «اَ خوداترسی، ایوبٚ رِه بی‌منظور نی‌یه؟

خروج 1:15

مصرٚ پادشا، عبرانی قابله‌یأن کی اوشأنٚ نام شِفْرَه و فوعَه بو، بوگفته:

خروج 2:13

فردایی دوواره بوشو بیرون، بیده کی دو نفر عبرانی کس‌کسٚ اَمرأ دعوا گیفتن درید و مقصرٚ جأ وَورسه: «چره تی برأرَ زِئن دری؟»

دانیال 2:44

«او پادشایأنٚ سلطنتٚ دورأن، خودایٚ آسمانأن، سلطنتی‌یَ برپا کونه کی هیوخت جٚه بین نیشه و هیتّأ قومٚ دیگرٚ دس دنکفه. او پادشایی تومامٚ سلطنتأنٚ دیگرَ دورسنه و نابودَ کونه ولی خودش تا اَبد پایدار مأنه.

اعمالٚ رسولأن 14:15

«اَی مردومأن، چره اَ کارَ کونیدی؟ اَمأنم شیمی مأنستن انسانیم و شمرَ بشارت دَئن دریم کی جٚه اَ بُتأنٚ پوچ دس بکشید و به خودایٚ زنده رو بأورید کی آسمان و زیمین و دریا و هر اونچی کی اوشأنٚ میأن نهَه خلق بوکوده.

اعمالٚ رسولأن 27:23

چونکی دیشب ایتأ فرشته جٚه طرفٚ خودایی کی من اونٚ شینم و اونَ خدمت کونم، بمو می ورجأ

فیلیپیان 3:5

هشت روزٚ زأی بوم کی ختنه بوبوستم، ایسرائیلٚ قومٚ جأیم، بنیامینٚ قبیله شینم، عیبرانی زأی، جٚه عیبرانی پئر و مار؛ شریعتٚ ایجرا کودنٚ وأسی، فریسی؛