یونس 1:4 - کیتاب مقدّس به گیلکی (رشتی)

⁴ ولی خوداوند ایتأ پیله‌دأنه باد، دریا سر اوسه کوده و کولاکی بوبوسته کی کم بمأنسته‌بو کشتی بِشکَفه.

یونس 1:4 ပူးပေါင်းရင်းမြစ်များ

خروج 10:13

پس موسی خو عصایَ مصرٚ سرزیمینٚ سر راستَ کوده و خوداوند تومامٚ او روز و تومامٚ او شب ایتأ باد شرقٚ جأ او سرزیمینٚ سر اوسه کوده. وختی هوا روشنَ بوسته، بادٚ شرقی ملخأنَ خو اَمرأ بأورده‌بو.

خروج 10:19

و خوداوند او بادَ وأگردأنه جوری کی غربٚ جأ خیلی شدید راستَ بوسته و ملخأنَ ببرده دوکوده دریایٚ سورخٚ میأن و دِه تومامٚ مصرٚ میأن ایتأ ملخم پیدا نوبوستی

خروج 14:21

بأزین موسی خو دسَ دریا سر درازَ کوده، خوداوندم تومامٚ شب ایتأ توند بادٚ اَمرأ کی شرقٚ جأ اوسه کوده آبأنَ پس بزه و دریایَ خوشکَ کوده. آبأن وأشکأفتیدی

خروج 15:10

ولی تی نٚفٚسٚ اَمرأ اوشأنَ دریا آبٚ جیر ببردی. همه‌تأن سربٚ مأنستن بوشوییدی موج‌دارٚ جولفٚ دریا دورون غرقَ بوستیدی.