یونس 1:3 - کیتاب مقدّس به گیلکی (رشتی)

³ ولی یونس ویریشته و بخوأسته خوداوندٚ حوضورٚ جأ، به سرزیمینٚ ترشیش کی ایطرفٚ دیگر بو، فرار بوکونه. هَنٚ وأسی، به بندرٚ یافا بوشو و اویه ایتأ کشتی‌یَ بیده کی شویی تَرشیش. خو کرایه‌یَ فدَه و سوارَ بوسته تا ملوانأنٚ اَمرأ بشه تَرشیش و اَطویی خوداوندٚ جأ فرار بوکونه.

یونس 1:3 ပူးပေါင်းရင်းမြစ်များ

پیدایش 3:8

زواله بادٚ موقع بیشنأوستیدی یهوه، خودا، باغٚ میأن رأ شوئون دره، آدم و اونٚ زن، یهوه، خودا حوضورٚ جأ باغٚ درختأنٚ میأن جیگا بوخوردیدی.

پیدایش 4:16

پس قائن خوداوندٚ حوضورٚ جأ بوشو سرزیمینٚ نودٚ میأن زندگی بوکوده کی طرفٚ شرقٚ عدن نهَه‌بو.

عِزرا 3:7

بأزین اوشأن، هوطو کی کوروش، پارسٚ پادشا جأ ایجازه بیگیفته‌بید، سنگتراشأن و نجارأنَ سکه فأدَه‌ییدی و صیدون و صورٚ مردومأنَ خوراک و نوشیدنی و روغن فأدَه‌ییدی تا اوشأن، لبنانٚ جأ سروٚ چوبَ دریا رأ جأ یافایَ بأورید.

ایوب 1:12

خوداوند، شیطانَ بوگفته: «هسأ تومامٚ اونٚ مال و منال تی دسأنٚ دورون نهَه. فقط خودشَ آسیب نوأ زِئن.» او وخت شیطأن جٚه خوداوندٚ ورجأ بوشو.

ایوب 2:7

بأزین شیطأن جٚه خوداوندٚ ورجأ بوشو و ایوبٚ کفٚ پا تا سرٚ تأنَ چلکی دُمبُلٚ اَمرأ گیرفتارَ کوده.

یونس 1:10

اَشأنٚ دیلٚ زاله بترکسته و بوگفتیدی: «اَن دِه چی کاری بو تو بوکودی؟» چره کی دأنستیدی یونس، خوداوندٚ جأ فرار کودن دره چون خودش، اوشأنَ بوگفته‌بو.

یونس 4:2

بأزین خوداوندٚ ورجأ دوعا بوکوده و بوگفته: «خوداوندأ، وختی می سرزیمینٚ دورون ایسَه‌بوم، هَنَ نوگفتم؟ هَنٚ وأسی ویریشتم و فرار بوکودم، بوشوم ترشیشٚ طرف. دأنستیم تو خودایی ایسی بخشنده و رحیم کی دِئر ترَ غیظَ گیره و تی موحبت تومامی نأره و تی رحمٚ وأسی بلا نأوری.

لوقا 9:62

عیسی اونٚ‌ره بفرمأسته: «کسی کی زیمینَ شخم زِئن دره بخوأیه خو پشتٚ سرَ نیگاه بوکونه، خودا پادشایی لایق نی‌یه.»

اعمالٚ رسولأن 15:38

ولی پولُس مخالفت بوکوده، بوگفته: «کسی‌یَ کی پامفیلیه میأن اَمی اَمرأ همکاری نوکوده و اَمرَ تنها بنَه، صلاح نی‌یه کی اَمی اَمرأ ببریم.»

اعمالٚ رسولأن 26:19

«هَنٚ وأسی اَی پیله پادشا، من او صاحبٚ صدا گبأنَ گوش بوکودم.

اعمالٚ رسولأن 9:36

یافا دورون، ایمانداری زندگی کودی کی طابیتا نام دأشتی، کی اونٚ ایسمٚ معنی «غزال» بو. اَ زن خودشَ وقفٚ کارأنٚ خُب بوکوده‌بو و فقیرأنَ کومک کودی.

اعمالٚ رسولأن 9:38

لُدَّه، یافا نزدیکی نهَه‌بو. هَنٚ وأسی وختی اویه ایماندارأن بیشتأوستیدی کی پطرس لُدَّه میأن ایسه، دو نفرَ اوسه کودیدی اونٚ دونبأل و اونٚ جأ خوأهش بوکودیدی کی «فوری ویریز، بیأ اَمی ورجأ.»

اعمالٚ رسولأن 9:42

اَ خبر سرتاسرٚ یافا میأن پخشَ بوسته و خیلی‌یأن به خوداوند عیسی ایمأن بأوردیدی.

اعمالٚ رسولأن 9:43

پطرس چند روزی یافا میأن شمعونٚ ورجأ کی ایماندار بو و اونٚ کار دَبّاغی بو، بِیسه.