یونس 1:14 - کیتاب مقدّس به گیلکی (رشتی)

¹⁴ پس فریاد کونان دوعا بوکودیدی و بوگفتید: «خوداوندأ، تی جأ خوأییم اَمرَ، اَ مردأکٚ وأسی هلاک نوکونی و وَنل کی اَمی دس، ایتأ بی‌گناهٚ خونٚ اَمرأ آلوده به. چونکی اَی خوداوند، هرچی خوأستی، بوکودی.»

یونس 1:14 ပူးပေါင်းရင်းမြစ်များ

متّی 11:26

بله پئر جان، چونکی تی خوأست هَطو بو.

یونس 1:16

ملوانأن اَ پیشامدٚ وأسی خوداوندٚ جأ خیلی بترسه‌ییدی و اونَ قوربانی تقدیم و اونٚ ورجأ نذرأن بوکودید.

یونس 1:5

ملوانأن بترسه‌ییدی و هر کدام خوشأنٚ خودا ورجأ فریاد بزه‌ییدی و کومک بخوأستیدی. بأزین کشتی بارَ دریا میأن فوکودیدی تا کشتی سُبوکَ به. ولی پیشتر، یونس کشتی ته بوشو، اویه درازَ کشه و بوخوفته و اونٚ خواب سنگینَ بوسته.

اعمالٚ رسولأن 28:4

جزیره آدمأن، وختی لنتی‌یَ کی اونٚ دسٚ جأ آویزأن بو، بیده‌ییدی همدیگرَ بوگفتیدی: «پس معلومه اَ مردای قاتله. دوروسته کی غرقَ بوستنٚ جأ نجات پیدا بوکوده، ولی عیدالتٚ دس ونأله اون زنده بمأنه.»

پیدایش 9:6

هر کس اینسأنٚ خونَ فوکونه، اونٚ خونم اینسأنٚ دسٚ مره فیوِه، چونکی خودا اینسأنَ به خو شکل و شمایل خلق بوکوده.

یونس 1:13

ولی ملوانأن تلاش بوکودیدی پارو بزه‌ییدی تا کشتی‌یَ به خشکی فأرسأنید امّا نتأنستید، چونکی دریا طوفان به ضدٚ اوشأن ویشترَ بوستی.

یونس 3:8

همه‌تأن وأستی پلاس دوکونید و ایجگره زنأن خودایَ دوخوأنید و ظلم کودنٚ جأ دس فأکشید و شرارتٚ جأ وأگردید.