یوحنا 9:24 - کیتاب مقدّس به گیلکی (رشتی)

²⁴ پس ایبارٚ دیگر او مردی کی قبلاً کور بو، دوخوأدیدی و اونَ بوگفتیدی: «در حضورٚ خودا بوگو کی حقیقتَ گی. اَمأن دأنیم کی اون مردی گناهکاره!»

Gilaki New Testament

²⁴ فریسیأن ایوأردِه اونی کی کور بویَ بٚخأستده و بوگفتٚده: «اَ شفأ وأسی خودایَ شوکر بوکون نه عیسایَ چونکی اَمأن خُب دأنیم کی عیسا ایتأ گونأکأرٚ آدمه.»

کتاب مقدس به زبان گیلکی - گویش شرقی

²⁴ پس یبار دِه او مردکاکه که قبلاً کور بو، دوخُندَن و اونه بوُتن: «جلالِ به خدا بدی! أمه دؤنیم که او یکته گوناهکارِ مردکۀ.»

کتاب مقدس به زبان گیلکی - گویش رشت و غرب گیلان

²⁴ پس ایوار دِه اُ مردای کی پیشتر کور بو یَ، دوخوادید و اونَ بگفتید: «جلالَ بِه خُدا فَدَن! اَمان دانیم کی اون ایتا گُناه کار مرداکه.»

یوحنا 9:24 ပူးပေါင်းရင်းမြစ်များ

یوحنا 9:16

پس بعضی از فریسیأن بوگفتیدی کی: «او مرد از خودا نی‌یه. چونکی احترامٚ روزٚ شَبّاتَ ندأشته.» امّا دیگرأن بوگفتیدی: «چوطو شخصی کی گناهکاره، تأنه اَجور معجزات بوکونه؟» و اوشأنٚ میأن اختلاف دکفته.

یوحنا 19:6

وختی پیله کاهنأن و قراولأنٚ معبد اونَ بیده‌ییدی فریاد بزه‌ییدی و بوگفتیدی: «مصلوبَ کون! مصلوبَ کون!» پیلاطس اوشأنَ بوگفته: «شومأن خودتأن اونَ ببرید و مصلوبَ کونید، چون من هیچ دلیلی اونٚ محکوم کودنٚ‌ره پیدا نوکودم.»

یوحنا 18:30

جواب بدَه‌ییدی و بوگفتیدی: «اگه جُرمی نأشتی، اونَ به تو تسلیمَ نوکودیم.»

یوحنا 16:2

شمرَ از کنیسه‌یأن بیرونَ کونیدی. حتی زمانی فأرسه کی هر کی شمرَ بوکوشه، فیکر کونه کی خودایَ خدمت بوکوده.

یوحنا 14:30

وختٚ زیادی نمأنسته کی شیمی اَمرأ حرف بزنم، چونکی رئیسٚ اَ دونیا اَمون دره، اون هیچ قدرتی بر من نأره.

یوحنا 8:49

عیسی جواب بده: «من دیوبزه نی‌یم، بلکی می پئرَ احترامَ دأرم. امّا شومأن مرَ بی‌احترامی کونیدی.

یوحنا 8:46

کی شیمی میأن تأنه مرَ به گوناه محکوم بوکونه؟ پس اگه حقیقتَ شمرَ گم، چره می حرفأنَ باور نوکونیدی؟

یوحنا 5:23

تا همه پسرَ احترام بوکونید، هوطو کی پئرَ احترام نهیدی. کسی کی پسرَ احترام نوکونه، به پئری کی اونَ اوسه کوده، احترام نَنِه.

لوقا 19:7

تومامٚ کسأنی کی اویه ایسَه‌بید وختی اَ ماجرایَ بیده‌ییدی، گله و شکایتٚ اَمرأ بوگفتیدی: «اون ایتأ گوناهکار آدمٚ خانه مهمانی بوشو.»

لوقا 15:2

فریسیأن و دینٚ علما غُرغُر کونان گفتیدی: «اَ مردای، گوناهکارأنَ خو ورجأ قوبیل کونه و اوشأنٚ اَمرأ نیشینه و غذایم خوره.»

لوقا 7:39

او صاب‌خانه، وختی او منظره‌یَ بیده، خو دیلٚ دورون بوگفته: «اگه اَ مرد رأس رأسِی نبی ببه، وأ بفهمسته‌بی اَ زنای کی اونٚ لمس کودَن‌دره بدکاره و گوناهکاره.»

مَرقُس 15:27

دوتأ دوزدم اونٚ اَمرأ صلیبٚ سر فأکشه‌یید، ایتأ اونٚ راسٚ دس، ایتأ چپٚ دس.

عِزرا 10:11

پس هسأ یهوه، شیمی پئرأنٚ خودا ورجأ ایعتراف بوکونید و اونٚ خوأسته‌یَ انجام بدید. خودتأنَ، اَ سرزیمینٚ قومأن و شیمی بیگانه زنأکأنٚ جأ سیوأ بوکونید.»

یوحنا 9:25

جواب بدَه: «اون گوناهکار ایسه یا نی‌یه نأنم. ایچی‌یَ دأنم کی کور بوم ولی الأن دینم!»