یوحنا 9:22 - کیتاب مقدّس به گیلکی (رشتی)

²² اَشأن بخاطرٚ اَن اَطو گفتیدی، چونکی از حاکمأنٚ یهود ترسه‌ییدی. چونکی حاکمأنٚ یهود همدست بوبوسته بید هر کسی کی اعتراف بوکونه عیسی هو مسیحه، اونَ از کنیسه بیرونَ کونید.

Gilaki New Testament

²² اونی پئر و مأر، یوهودٚ پیله کسأنٚ ترسٚ جَا اَطو بوگفتٚده چونکی اوشأن بوگفته بود هرکی بٚگه عیسا هو مسیح ایسه، اونَ جٚه مملکتٚ تومأمٚ ایمتیأزأن محرومٚ کونٚد.

کتاب مقدس به زبان گیلکی - گویش شرقی

²² او مردکاکه پئر و مَئر هینه وَسه ایطوری گوتَن که یهودیِ أنَ جی ترسه أین. چونکه یهودیِ أن پیشتر همدیگر أمره توافق بُوده بوئن هرکس اعتراف بکونی عیسی هو مسیح موعود ایسّه، اونه عبادتگاهَ جی بیرونَ کونن.

کتاب مقدس به زبان گیلکی - گویش رشت و غرب گیلان

²² اُ مرداکِ پئر و مار، اَنه واسی اَطو بگفتید کی یهودیانِ جا ترسه ئید. چونکی یهودیان پیشتر توافق بُکودید کی هر کی اعتراف بُکونه عیسی هو مسیح موعوده، اونَ عبادتگا جا بیرونَ کونید.

یوحنا 9:22 ပူးပေါင်းရင်းမြစ်များ

لوقا 6:22

«خوش بحالٚ شومأنی کی می وأسی، مردوم خوشأنٚ دیمَ شیمی جأ وأگردأنیدی و شمرَ جٚه خوشأنٚ ورجأ دورَ کونیدی، شمرَ ناسزا گیدی و بدنامَ کونیدی.

یوحنا 1:19

اَنه یحیی شهادت او وختی کی یهودیأن، کاهنأن و لاویأنَ از اورشلیم اونٚ پهلو اوسه کودیدی تا از اون وَوَرسید کی: «تو کی ایسی؟»

یوحنا 16:2

شمرَ از کنیسه‌یأن بیرونَ کونیدی. حتی زمانی فأرسه کی هر کی شمرَ بوکوشه، فیکر کونه کی خودایَ خدمت بوکوده.

یوحنا 19:38

او وخت یوسف، اهلٚ رامه، از پیلاطس ایجازه بخوأسته کی عیسی جسدَ فیگیره. یوسف از پیروأنٚ عیسی بو، امّا مخفیأنه. چونکی از حاکمأنٚ یهود ترسه‌یی. پیلاطس اونَ ایجازه بدَه. پس بمو و عیسی جسدَ فیگیفته.

یوحنا 20:19

هو روز غروب کی یکشمبه بو، وختی کی شاگردأن جمَ بوسته‌بید و درأن از ترسٚ حاکمأنٚ یهودٚ قفل بو، عیسی بمو و اوشأنٚ میأن بِیسه و بوگفته: «سلام بر شومأن!»

یوحنا 7:13

چون از حاکمأنٚ یهود ترس دأشتیدی، هیکس درباره‌یٚ اون آشکارا حرف نزه‌یی.

یوحنا 9:18

امّا حاکمأنٚ یهود هنوز باور نأشتیدی کی اون کور بو و اونٚ چشمأن وازَ بوسته، تا اَنکی اونٚ پئر و مارَ دوخوأدیدی.

یوحنا 9:21

امّا از اَنکی چوطو اَنٚ چشمأن وازَ بوسته و یا کی اونٚ چشمأنَ وأکوده، اَمأن نأنیم. از خودش وَورسه‌یید. اون خودش بالغه و خودش درباره‌یٚ خودش تأنه گب بزنه.»

یوحنا 9:34

اَشأن در جوابٚ اون بوگفتیدی: «تو سر تا پا در گوناه به دونیا بمویی! الأن اَمرَ درس دَئن دری؟» پس اونَ بیرونَ کودیدی.

یوحنا 9:35

وختی عیسی بیشنَوسته کی او مردَ بیرونَ کودیدی، اونَ پیدا بوکوده و از اون وَورسه: «آیا به اینسانٚ پسر ایمأن دأری؟»

اعمالٚ رسولأن 4:18

او وخت اوشأنَ دوخوأدیدی و حوکم بوکودیدی کی دِه هرگز به عیسی نام هیچی نیگید و تعلیمی ندید.

اعمالٚ رسولأن 5:13

ولی هیچکی جز خودشأن جرأت نوکودی اوشأن نزدیکَ به، هرچند تومامٚ مردوم، اوشأنَ خیلی ایحترام قائل بوستیدی

اعمالٚ رسولأن 5:40

اوشأن قوبیل بوکودیدی و رسولأنَ دوخوأدیدی، شلاق بزه‌ییدی و قدغن بوکودیدی کی دِه به عیسی نام گب نزنید. بأزین وَهَشتیدی کی اوشأن بیشید.