یوحنا 8:6 - کیتاب مقدّس به گیلکی (رشتی)

⁶ اَنه بوگفتیدی تا اونَ ایمتحان بوکونید تا ایتأ بهانه‌یی بدأرید و اونَ محکوم بوکونید. امّا عیسی خو سرَ بیجیر تأودَه و خو انگوشتٚ اَمرأ زیمینٚ رو نیویشتی.

Gilaki New Testament

⁶ اوشأن خأستید عیسا ایچی بٚگه کی اونَ گیر تأوٚدٚد و محکومَ کونٚد. امّا عیسا خو سٚرَ بیجیر تأوٚدأ و خو دٚسٚ پٚنجه اَمرأ زیمینٚ رو نیویشتی.

کتاب مقدس به زبان گیلکی - گویش شرقی

⁶ اینه بوُتن تا عیسی امتحون بکونَن و یه چی اونه متهم گودنِ بِه بیاجن. ولی عیسی هچیمسه، و خوشِ انگوشت اَمره زمین سر بنویشته.

کتاب مقدس به زبان گیلکی - گویش رشت و غرب گیلان

⁶ اَنه بگفتید تا اونَ امتحان بُکونید و گزکی اون بُهتان زئن ره بیاوید. ولی عیسی فَچمست و خو اَنگوشت مرا زمین سر بینیویشت.

یوحنا 8:6 ပူးပေါင်းရင်းမြစ်များ

پیدایش 49:9

تو جوانٚ شیرٚ مأنستن ایسی، ای یهودا، زأی جان، شیری کی شکارٚ جَا وأگردسته، تو نرٚ شیرٚ مأنستن ایسی کی درازَ کشه و خوفته، ماده شیر مأنستنی، کی هیکس جرأت نوکونه اونَ ویریزأنه.

مزامیر 39:1

بوگفتم: «می رأ و روشٚ میأنی احتیاط کونم کی می زوانٚ اَمرأ گوناه نوکونم؛ تا او زمأتی کی شرورٚ آدمأن می ورجأ ایسَه‌ییدی، می دَهنَ افسارٚ اَمرأ دٚوٚسته دأرم.»

دانیال 5:5

پادشا قصرٚ دورون، دیوارٚ گچٚ سر چراغدأنٚ روبرو، ایدفعه‌یی ایتأ اینسأنٚ دسٚ پنجه ظاهیرَ بوسته. وختی پادشا او دسَ بیده کی نیویشتن دوبو،

متّی 10:16

می وأسی شمرَ والی‌یأن و پادشایأنٚ ورجأ بریدی، و شِمره ایتأ فرصتی ایسه کی اوشأنٚ ورجأ و دیگر قومأنٚ رِه شهادت بدید.

متّی 15:23

ولی عیسی هیچ جوابی ندَه، تا اَنکی اونٚ شاگردأن جُلُو بموییدی و اونٚ جأ بخوأستیدی: «اونَ اوسه کون بشه، چونکی هَطو ایجگره زنان اَمی دونبألسر اَمون دره.»

متّی 16:1

او وخت فریسیأن و صدّوقیأن بموییدی عیسی ورجأ کی اونَ ایمتحان بوکونید. هَنٚ وأسی اونٚ جأ بخوأستیدی تا ایتأ نیشانه‌یٚ آسمانی اوشأنٚ رِه بأوره.

متّی 19:3

بعضی جٚه فریسیأنم اونٚ ورجأ بموییدی تا اونَ ایمتحان بوکونید. اوشأن عیسایَ وَورسه‌ییدی: «آیا ایتأ مردأکٚ رِه جایز ایسه به هر دلیلی کی خودش قوبیل دأره، خو زنَ طلاقَ ده؟»

متّی 22:18

عیسی اوشأنٚ حیله‌یَ بفهمسته و بوگفته: «اَی ریاکارأن، چره مرَ ایمتحان کونیدی؟

متّی 22:35

ایتأ جٚه اوشأن کی معلّمٚ شریعت بو، اَ منظورٚ اَمرأ کی عیسایَ به دام تأوده، اونَ وَورسه:

متّی 26:63

امّا عیسی هوطو ساکیت بِیسه. کاهنٚ اعظم اونَ بوگفته: «ترَ به خودایٚ زنده قسم دهم کی اَمرَ بیگی آیا تو مسیح، خودا پسری؟»

مَرقُس 10:2

بعضی جٚه فریسیأن بموییدی اونٚ ورجأ و ایمتحان کودنٚ وأسی وأورسه‌ییدی: «ینی ایتأ مردأکٚ رِه جایزه خو زنَ طلاقَ دٚه؟»

مَرقُس 12:15

ولی عیسی اوشأنٚ دورویی‌یَ بفأمسته و بوگفته: «چره مرَ آزمایش کونیدی؟ ایتأ سکه بأورید می ورجأ کی اونَ بیدینم.»

مَرقُس 3:2

بعضیأن خوشأنٚ نیگا اَمرأ عیسایَ پأستیدی کی اگه شَبّاتٚ روزٚ رِه او مردأکَ شفا بده، ایتأ بهانه بدأرید کی عیسایَ محکوم بوکونید.

مَرقُس 8:11

فریسیأن بموییدی عیسی ورجأ و شروع بوکودید اونٚ اَمرأ بحث کودن. اوشأن اونٚ ایمتحان کودنٚ وأسی اونٚ جأ بخوأستید کی ایتأ نیشأنه آسمانٚ جأ اوشأنٚ رِه بأوره.

لوقا 10:25

ایروز ایتأ جٚه دینٚ علما بمو، خوأستی عیسایَ ایمتحان بوکونه، وأورسه: «اَی اوستاد، چی وأ بوکونم کی اَبدی حیات می ارث ببه؟»

لوقا 11:16

بعضیأنم چونکی خوأستیدی عیسایَ ایمتحان بوکونید، اَنٚ جأ ایتأ معجزه بخوأستیدی تا نیشأن بده کی اونٚ قودرت خودا جأ ایسه.

یوحنا 8:2

وختٚ سحر عیسی بازم به صحنٚ معبد بمو. در اویه مردوم همه اونٚ دور جمَ بوستیدی، عیسی بینیشته و اوشأنَ تعلیم بده.