یوحنا 8:44 - کیتاب مقدّس به گیلکی (رشتی)

⁴⁴ شومأن از شیمی پئر شیطانیدی و به دونبألٚ انجامٚ اونٚ خوأسته‌یأنیدی. اون از اوّل قاتل بو و حقیقتٚ اَمرأ نسبّتی نأشتی، چونکی هیچ حقیقتی در اون ننَه. هر وخت دوروغ گه، از ذاتٚ خودش گه. چونکی دروغگویه و دوروغگویأنٚ پئره.

Gilaki New Testament

⁴⁴ شیطان شیمی رأس‌رأسِی پئر ایسه و دوس دأریدی اونی نأجور کردکأرأنَ انجأم بدید. شیطان جٚه هو اوّلم قأتیل بو و رأستی جَا نیفرت دأشتی، اونی وجود میأن ایتأ پیچه حِئقت پیدأ نیبه چونکی اونی ذأت دورُغگویه و اون دورُغگویأنٚ پئر ایسه.

کتاب مقدس به زبان گیلکی - گویش شرقی

⁴⁴ شمه شیمه پِئر، ابلیس زاک ایسّین و خوانین اونه خوأسته أن انجوم بدین. او از اوّل قاتل بو و حقیقت اَمره کاری نداشت، چونکه هیچ حقیقتی اونه میئن ننأ. هروخت دروغ گونه، خو ذاتَ جی گونه. چونکه دروغگو ایسّه و دروغؤنِ پئرِ.

کتاب مقدس به زبان گیلکی - گویش رشت و غرب گیلان

⁴⁴ شُمان شیمی پئر، ابلیس شینید و خوائیدی شیمی پئر خواسته ئانَ انجام بَدید. اون جه آغاز قاتل بو و حئیقت مرا کاری ناشتی، چونکی هی حئیقتی اونِ درون دیئنه. هر وقت دوروغ گه، خو ذاتِ جا گه؛ چونکی دوروغگوئه و تمانِ دوروغگوئانِ پئره.

یوحنا 8:44 ပူးပေါင်းရင်းမြစ်များ

پیدایش 3:15

تو و زنٚ میأن و شیمی تخم و تَرٚکه میأن دوشمنی نهم، اون تی سرَ کوبأنه، و تو اونٚ پا بوزهَ نیش زنی.»

ایوب 1:11

ولی هسأ تی دسَ درازَ کون و هرچی‌یَ کی دأره اونٚ جأ فیگیر، بأزین دینی کی تی رو میأن کوفر گه.»

متّی 12:34

اَی افعی‌زأکأن، شومأن بد ذاتأن، چوطو تأنیدی خوروم گبأن بزنید؟ چونکی زبان جٚه او چیزأنی کی دیلَ پورَه کوده گب زنه.

متّی 13:15

چونکی اَ مردومٚ دیل سختَ بوسته، اوشأنٚ گوشأن سنگینَ بوسته، و خوشأنٚ چومأنَ دٚوٚستیدی، وگرنه خوشأنٚ چومأنٚ اَمرأ ده‌ییدی، خوشأنٚ گوشأنٚ اَمرأ ایشنأوستیدی، خوشأنٚ دیلٚ میأنی فهمستیدی و وأگردستیدی و من اَشأنَ شفا دَ‌ییم.›

متّی 13:38

هوطو کی هرزٚ علفأنَ جمَ کونیدی و آتشٚ میأن سوجأنیدی، آخرٚ زمانٚ میأنم هَنٚ مأنستن ایتفاق دکفه.

یوحنا 6:70

عیسی اوشأنَ جواب بده: «مگر شومأن دوازده نفرَ من اینتخاب نوکودم؟ با اَ حال ایتأ از شومأن از ابلیسه.»

یوحنا 7:17

اگه کسی براستی بخوأیه کی اونٚ اراده‌یَ انجام بده، فهمه کی اَ تعالیم از خودایه، یا اَن کی من از خودم گم.

یوحنا 8:38

من از اونچی کی می پئرٚ ورجه بیدم، حرف زنم و شومأنم اونچی‌یَ کی از شیمی پئر بیشنَوستیدی، انجام دیهیدی.»

یوحنا 8:41

ولی شومأن شیمی پئرٚ کارأنَ انجام دیهیدی.» بوگفتیدی: «اَمأن حرامزاده نی‌ییم! ایتأ پئر دأریم کی هو خودایه.»

یوحنا 8:55

هرچند کی شومأن اونَ نشنأسیدی، امّا من اونَ شنأسم. اگه بگم کی اونَ نشنأسم، شیمی مأنستن دوروغگو بم. امّا من اونَ شنأسم و اونٚ کلامَ دأشتن درم.

اعمالٚ رسولأن 13:10

«اَی ابلیسٚ زأی، اَی دشمنٚ تومامٚ خوبیأن، کی پور مکر و حیله ایسی! نخوأیی جٚه گمراه کودنٚ مردومأن جٚه راهٚ راستٚ خوداوند دس بکشی؟

اعمالٚ رسولأن 24:9

یهودیأنم یکصدا بوگفتیدی: «هطویه».

اعمالٚ رسولأن 5:3

پطرس اونَ بوگفته: «اَی حَنانیا، چره وَهَشتی شیطأن ترَ گول بزنه کی روح‌القدسَ دوروغ بیگی و ایپچه جٚه او پولٚ فروشٚ باغَ ترَ اوسأدی؟

۱پطرس 5:8

شیمی حواس بمأنه و شمرَ بپأیید چره کی شیمی دوشمن، ایبلیس، ایتأ شیرٚ مأنستن کی نعره زنه، گردستَن‌دره و کسی دونبأل گرده کی اونَ فٚوٚره.