یوحنا 8:14 - کیتاب مقدّس به گیلکی (رشتی)

¹⁴ عیسی در جوابه اوشأنَ بوگفته: «هرچند کی من خودم، خودمٚ‌ره شهادت دهم، ولی می شهادت معتبره، چونکی دأنم از کویه بموم و به کویه شم، امّا شومأن نأنیدی کی من از کویه بموم و به کویه شم.

Gilaki New Testament

¹⁴ عیسا بٚفرمأسته: «من هر چی گم حِئقتَ مأنه، حتّا اگه دروأره‌یٚ خودم بٚبه، چونکی دأنٚم جٚه کویه بأمؤم و ایوأردِه کویه وأگردم. امّا شومأن اَنَ نأنیدی.

کتاب مقدس به زبان گیلکی - گویش شرقی

¹⁴ عیسی اوشونِ جواب بده: «حتی اگه مو خودم مِه بِه گوایی بدَئم، می گوایی راستِ، چونکه دؤنم کورهَ جی بومئم و کوره شنَم، ولی شمه ندؤنین که مو کورَه جی بومئم و کورا شنَم.

کتاب مقدس به زبان گیلکی - گویش رشت و غرب گیلان

¹⁴ عیسی اوشانَ جواب بدَه: «حتی اَگه من خودم مَرا گُوائی بَدَم، می گُوائی دُرُسته، چونکی دانم جه کویا باموم و کویا شم. ولی شُمان نانید من جه کویا بامو دَرم و کویا شم.

یوحنا 8:14 ပူးပေါင်းရင်းမြစ်များ

یوحنا 10:15

هوطو کی پئر مرَ شنأسه، منم پئرَ شنأسم. من می جانَ گوسفندأنٚ‌ره نَهم.

یوحنا 10:36

چوطو تأنیدی کسی‌یَ کی پئر اونَ وقف بوکوده و به دونیا اوسه کوده، بیگید کی: ‹کفر گه،› تنها به اَ خاطر کی بوگفتم خودا پسرم؟

یوحنا 13:3

عیسی کی دأنستی پئر همه چیزَ اونٚ دس بیسپرده و از اونٚ ورجه بمو، و اونٚ ورجه شوئون دره،

یوحنا 14:10

آیا باور نأری کی من در پئرم و پئرم در من؟ حرفأنی کی من شمرَ گم از خودم نی‌یه، بلکی از پئری‌یه کی در من ساکنه، اونه کی خو کارأنَ به انجام رسأنه.

یوحنا 16:28

من از پئرٚ ورجه بموم و به اَ دونیا واردَ بوستم، و الأن اَ دونیایَ ترکَ کونم و پئرٚ ورجه شم.»

یوحنا 17:8

چونکی او کلامی‌یَ کی مرَ بیسپردی، اوشأنَ بیسپردم و اوشأن اونَ قوبیل بوکودیدی و یقین دأنستیدی کی از طرفٚ تو بمو و ایمأن بأوردیدی کی تو مرَ اوسه کودی.

یوحنا 18:37

پیلاطس اونَ بوگفته: «پس تو پادشایی؟» عیسی جواب بدَه: «تو خودت گی کی من پادشاهم. من هَنٚ وسی به دونیا بموم تا حقیقتَ شهادت بدم. پس هر کسی کی به حقیقت تعلّق دأره، می صدایَ گوش کونه.»

یوحنا 5:31

«اگه خودم مرَ شهادت بدَم، می شهادت اعتبار نأره.

یوحنا 8:42

عیسی اَشأنَ بوگفته: «اگه خودا شیمی پئر بو، مرَ دوست دأشتیدی، چونکی من از طرفٚ خودا بموم و الأن اَیه ایسم. من از طرفٚ خودم نَموم، بلکی اون مرَ اوسه کوده.