یوحنا 7:39 - کیتاب مقدّس به گیلکی (رشتی)

³⁹ اَ حرفَ درباره‌یٚ روح بوگفته کی کسأنی کی به اون ایمأن بأورید، او روحَ پیدا کونیدی. چونکی روح هنوز عطا نوبوسته‌بو، و عیسی هنوز جلال پیدا نوکوده‌بو.

Gilaki New Testament

³⁹ عیسا منظور جٚه زٚنده آبٚ روبأر، هو روح‌القدس بو کی اوشأنی‌یَ فأدأ به کی عیسایَ ایمأن بأوٚرٚد. امّا روح‌القدس هنو هیکسَ عطأ نوبوسته بو، چونکی عیسا هنو جلالَ، فأنرٚسه بو.

کتاب مقدس به زبان گیلکی - گویش شرقی

³⁹ عیسی ایی گبِ روح القدس باره بوته، که کسؤنی که اونه ایمؤن بأرَن، اونه هگینن. چونکه روح القدس حلِه ببخشه نوُبو بو، هینه وسه که عیسی حلِه جلال هینته بو.

کتاب مقدس به زبان گیلکی - گویش رشت و غرب گیلان

³⁹ عیسی اَ گبَ روح القدس باره بگفت، کی اوشانی کی اونَ ایمان باورید، اونَ گیریدی؛ چونکی روح القدس هنو ببخشه نُبوسته بو، جه اَ رو کی عیسی هنو جلال نیگیفته بو.

یوحنا 7:39 ပူးပေါင်းရင်းမြစ်များ

متّی 16:14

اوشأن جواب بدَه‌ییدی: «بعضی‌یأن گیدی یحیایٚ تعمیددهنده‌یه. بعضی‌یأن گیدی ایلیاسٚ نبی‌یه، و تعدادی‌یم گیدی اِرمیایٚ نبی یا ایتأ جٚه پیغمبرأنٚ دیگره.»

متّی 21:11

و جماعتی کی عیسی اَمرأ اَمون دیبید جواب ده‌ییدی: «عیسایٚ پیغمبره کی ناصره‌یٚ جلیلٚ شینه!»

لوقا 24:49

روح‌القدسَ کی می پئر وعده بدَه‌بو شمرَ فدم. پس تا زمأنی کی خودا قودرت و قوّت جٚه آسمانٚ جور شمرَ بأیه، وأستی اورشلیمٚ شهرٚ دورون بئسید.»

لوقا 3:16

یحیی اوشأنَ بوگفته: «من شمرَ آبٚ اَمرأ تعمید دهم ولی اینفر اَیه کی می جأ پیله‌تره و من لایق نی‌یم کی اونٚ کفشٚ بندَ وازَ کونم. اون شمرَ روح‌القدس و آتشٚ اَمرأ تعمید دهه.

لوقا 7:16

تومامٚ او آدمأنی کی اویه ایسَه‌بید، وختی کی او معجزه‌یَ بیده‌یید ترسٚ اَمرأ خودایَ ستایش بوکودید و بوگفتید: «خودا خو قومَ توجه بوکوده و ایتأ پیله‌دأنه نبی‌یَ اوسه کوده.»

یوحنا 1:21

وَورسه‌ییدی: «پس چی؟ تو الیاسی؟» جواب بده: «نی‌یم.» وَورسه‌ییدی: «تو او پیامبری؟» جواب بده: «نه!»

یوحنا 1:25

اونَ وَورسه‌ییدی: «اگه تو نه مسیحی، نه الیاسی و نه او پیامبر، پس چره تعمید دیهی؟»

یوحنا 1:33

من خودمم اونَ نشنأختیم، امّا اونی کی مرَ اوسه کوده تا آبٚ اَمرأ تعمید بدَم، مرَ بوگفته کی: ‹هر وخت بیده‌یی کی روح بر کسی فرود بمو و بر اون قرار بیگیفته، بدأن اون، اونی ایسه کی روح‌القدسٚ اَمرأ تعمید دهه.›

یوحنا 12:16

اونٚ شاگردأن اوّل اَ چیزأنَ نفهمستیدی، امّا وختی عیسی جلال پیدا بوکوده، به یاد بأوردیدی کی اَ چیزأن همه درباره‌یٚ اون بینیویشته بوبوسته‌بو، هوطویی کی مردوم اونٚ اَمرأ بوکوده بید.

یوحنا 12:23

عیسی اوشأنَ بوگفته: «وختٚ جلال پیدا کودنٚ اینسانٚ پسر فأرسه.

یوحنا 14:13

و به نامٚ من هر چیزی کی بخوأیید، من اونَ انجام دهم، تا پئر در پسر جلال پیدا بوکونه.

یوحنا 14:26

امّا او پشتیبان، ینی روح‌القدس، کی پئر اونَ به نامٚ من اوسه کونه، اون همه چیزَ شمرَ یاد دهه و هر اونچی کی من شمرَ بوگفتم، شمرَ به یاد اَوره.

یوحنا 16:14

اون مرَ جلال دهه، چونکی اونچی‌یَ کی از من فیگیره، شمرَ خبر دهه.

یوحنا 16:7

با اَ حال من شمرَ حقیقتَ گم کی می شوئون به نفعٚ شومأنه، چونکی اگه نشم، او پشتیبان شیمی ورجه نأیه، امّا اگه بشم، اونَ شیمی ورجه اوسه کونم.

یوحنا 17:1

بعد از اَ حرفأن عیسی آسمانَ نیگاه بوکوده و بوگفته: «پئر، وختش فأرسه. تی پسرَ جلال بدن تا تی پسرم ترَ جلال بده.

یوحنا 17:5

پس الأن اَی پئر، تونم مرَ در حضورٚ خودت جلال بدن، همان جلالی کی قبل از دونیا، تی ورجه دأشتیم.

یوحنا 20:22

وختی اَ حرفَ بوگفته، شاگردأنٚ رو فوت بوکوده و بفرمأسته: «روح‌القدسَ فیگیرید.

یوحنا 6:14

مردوم با دِئنٚ اَ معجزه کی از عیسی ظاهرَ بوسته، بوگفتیدی: «راستی، راستی کی اون هو پیامبری ایسه کی بأیستی به جهان بمو بی.»

یوحنا 7:12

درباره‌یٚ اون مردومٚ میأن همهمه زیاد بو. تعدادی گفتیدی: «مردٚ خُبی ایسه» و تعدادٚ دیگرم گفتیدی: «نه، بلکی مردومَ گمراه کونه.»

یوحنا 8:54

عیسی بوگفته: «اگه من خودمَ جلال بدَم، می جلال ارزش نأره. اونی کی مرَ جلال دهه، می پئره، هونی کی شومأن گیدی اَمی خودایه.

اعمالٚ رسولأن 19:2

و اوشأنٚ جأ وَورسه: «وختی کی ایمأن بأوردید، روح‌القدسَ دریافت بوکودید؟» اوشأن بوگفتیدی: «اَمأن حتی نیشنأوستیم کی روح‌القدسی‌یم وجود دأره.»

اعمالٚ رسولأن 2:17

«‹خودا بفرمأسته: «روزأنٚ آخرٚ دورون، می روحَ بر تومامٚ مردوم فوکونم. شیمی زأکأن چی پسر و چی دُختر، نبوّت کونیدی، شیمی جوانأن رویا دینیدی و شیمی پیرأنم خواب دینیدی.

اعمالٚ رسولأن 2:33

اون خودا راستٚ دسٚ ورجأ نیشته و روح‌القدسَ کی پئر وعده بده‌بو، فیگیفته و اونَ خو شاگردأنَ فَده کی هسأ شومأن اونٚ نتیجه‌یَ دینیدی و ایشنَویدی،

اعمالٚ رسولأن 2:38

پطرس وأگردسته اوشأنَ بوگفته: «وأستی توبه بوکونید و هرکدامٚ شومأن عیسی مسیحٚ نامٚ اَمرأ تعمید بیگیرید تا شیمی گونایأن ببخشه ببه و بتأنید روح‌القدسَ دریافت بوکونید،

اعمالٚ رسولأن 2:4

پس همه‌تأن روح‌القدسٚ جأ پورَ بوستیدی و جٚه قوّتٚ خودا روح بتأنستیدی ایتأ ایتأ شروع به گب زِئن به زوانأنٚ جورواجور بوکونید کی به او زوانأن هیچ آشنایی نأشتیدی.

اعمالٚ رسولأن 3:13

خودایٚ ایبراهیم و ایسحاق و یعقوب، اَمی پئرأنٚ خودا، خو خادم، عیسی مسیحَ جلال فدَه، هو عیسی کی شومأن اونَ تسلیم بوکودیدی و پیلاطسٚ حاکمٚ ورجأ اونَ اینکار بوکودیدی، هر چند کی پیلاطس تصمیم دأشتی اونَ آزادَ کونه.

اعمالٚ رسولأن 4:31

وختی اوشأن دوعا بوکودیدی، جایی کی اوشأن دورٚ هم جمَ بوسته‌بید به لرزه دکفته و همه‌تأن روح‌القدسٚ جأ پورَ بوستیدی و شجاعتٚ اَمرأ جٚه خودا کلام مردومٚ رِه گب زه‌ییدی.