یوحنا 7:31 - کیتاب مقدّس به گیلکی (رشتی)

³¹ به هر حال خیلی از مردوم اونَ ایمأن بأوردیدی. اوشأن گفتیدی کی: «آیا وختی مسیح بأیه، از اَ مرد ویشتر معجزه کونه؟»

Gilaki New Testament

³¹ اَنٚ اَمرأ هطویی خٚیلیأن هو وختٚ میأن ایمأن بأوٚردٚد کی اون هو مسیح ایسه و کس‌کسَ بوگفتٚده: «ینی خأیید مسیحَ، کی اونی رأفأ ایسأییم ویشتر جٚه اَن موجیزه بوکونه؟»

کتاب مقدس به زبان گیلکی - گویش شرقی

³¹ با ایی حال خیلی از او جماعت، عیسی ایمؤن بأردن. اوشؤن گوتَن که: «مگه وختی مسیح موعود بائ، ایی مردکه جی بیشتر نیشونه و معجزه انجوم دِئنه؟»

کتاب مقدس به زبان گیلکی - گویش رشت و غرب گیلان

³¹ با اَن همه خَیلی جه مردوم عیسیَ ایمان باوردید. اوشان گفتیدی: «مگه وقتی مسیح موعود ظهور بُکونه، اَ مردای جا ویشتر نیشانه ئان و مُعجزه ئان انجام دئه؟»

یوحنا 7:31 ပူးပေါင်းရင်းမြစ်များ

متّی 12:23

تومامٚ مردومأن تعجب بوکودیدی و بوگفتیدی: «اَ مرد هو ‹پسرٚ داوود› نی‌یه؟»

لوقا 8:13

او دأنه‌یأنی کی سنگلاخٚ دورون فیویدی، او آدمأنی‌یَ مأنیدی کی خودا گبأنَ ایشنأویدی و شادی اَمرأ قوبیل کونیدی ولی چونکی ریشه نودووأنه، ایتأ مدت زمأتی ایمأن دأریدی ولی سختٚ روزأن کی فأرسه، آزمایشأنٚ وأسی بدر شیدی.

یوحنا 11:45

پس خیلی از یهودیأنی کی به دِئنٚ مریم بمو بید و عیسی کارَ بیده بید، اونَ ایمأن بأوردیدی.

یوحنا 12:11

چونکی باعث بوبوسته‌بو کی خیلی از یهودیأن از اوشأن دورَ بید و به عیسی ایمأن بأورید.

یوحنا 12:42

با اَنکی حتی خیلی از حاکمأنٚ قوم عیسایَ ایمأن بأوردیدی، امّا از ترسٚ فریسیأن، خوشأنٚ ایمأنَ اقرار نوکودید، نوکونه کی اوشأنَ از کنیسه بیرونَ کونید.

یوحنا 2:11

اَطویی عیسی خو اوّلی معجزه‌یَ قانایٚ جلیلٚ میأن انجام بده و خو جلالَ نیشأن بده و اونٚ شاگردأن به اون ایمأن بأوردیدی.

یوحنا 3:2

اون ایتأ شب عیسی ورجه بمو و اونَ بوگفته: «اوستاد، دأنیمی کی تو معلمی ایسی کی از خودا طرف بمویی، چونکی هیچکی نتأنه معجزاتی‌یَ کی تو انجام دیهی، انجام بده، به جز اونی کی خودا اونٚ اَمرأ ببه.»

یوحنا 4:29

«بأیید مردی‌یَ بیدینید کی هر چی کی تا الأن بوکوده‌بوم، مرَ بوگفته. آیا امکان نأره کی اون مسیح ببه؟»

یوحنا 4:39

پس به دونبألٚ شهادتٚ او زنی کی بوگفته‌بو: «هرچی کی تا الأن بوکوده‌بوم، مرَ بوگفته،» خیلی از سامریأنٚ ساکنٚ او شهر به عیسی ایمأن بأوردیدی.

یوحنا 6:2

گروه زیادی اونٚ دونبألسر بوشوییدی چونکی معجزاتی کی با شفایٚ مریضأن انجام بدَه‌بو، بیده بید.

یوحنا 7:26

بیدینید چوطو آشکارا حرف زنه و اونَ هیچی نیگیدی! آیا امکان دأره کی حاکمأنٚ قوم اَ حقیقتَ بفهمستیدی کی اون هو مسیحه؟

یوحنا 9:16

پس بعضی از فریسیأن بوگفتیدی کی: «او مرد از خودا نی‌یه. چونکی احترامٚ روزٚ شَبّاتَ ندأشته.» امّا دیگرأن بوگفتیدی: «چوطو شخصی کی گناهکاره، تأنه اَجور معجزات بوکونه؟» و اوشأنٚ میأن اختلاف دکفته.

اعمالٚ رسولأن 8:13

حتی شمعونم ایمأن بأورده و غسلٚ تعمید بیگیفته. اون همیشه فیلیپُسٚ اَمرأ بو و جٚه معجزاتی کی آشکارَ بوستی، در عجب و حیرت بو.