یوحنا 6:11 - کیتاب مقدّس به گیلکی (رشتی)

¹¹ او وخت عیسی نانَ فیگیفته و شکرگزاری بوکوده و اونٚ شاگردأن، بینٚ اوشأنی کی نیشته‌بید، تقسیم بوکودیدی، و ماهی‌یأنٚ اَمرأیم هو کارَ بوکوده، به اندازه‌یی کی خوأستیدی اوشأنَ فدَه.

Gilaki New Testament

¹¹ او وخت عیسا نأنأنَ اوسأده، خودایَ شوکر بوکوده و فأدَه کی مردومٚ میأن سأم بوکونٚد. مأئیأنٚ اَمرأیٚم هه کأرَ بوکوده. مردوم هر چقد بٚخأستده، بوخوردٚد.

کتاب مقدس به زبان گیلکی - گویش شرقی

¹¹ هو وخت عیسی نونؤن هَیته و شکرگزاری بوده پس، اوشؤنِ میئن که نیشته بُوئن، تقسیم بوده. و هوقدر که خواستنم ایشونِ ماهی هَده.

کتاب مقدس به زبان گیلکی - گویش رشت و غرب گیلان

¹¹ هوموقع عیسی نانَ بیگیفت و شُکر بُکوده بو پسی، اوشان میان کی نیشته بید سَام بُکود، و هونقدریم کی خواستید اوشانَ ماهی فدَه.

یوحنا 6:11 ပူးပေါင်းရင်းမြစ်များ

متّی 15:36

او وخت هفت‌تأ نان و چن‌تأ ماهی‌یَ فیگیفته، خودایَ شکر بوکوده، اوشأنَ خوردَ کوده و خو شاگردأنَ فدَه و اوشأنم مردومَ فدَه‌ییدی.

لوقا 24:30

وختی اوشأنٚ اَمرأ سفره سر بینیشته، عیسی نانَ اوسأده، خودایَ شوکر بوکوده و هر کودامَ ایتأ تیکه فدَه.

یوحنا 21:10

عیسی اَشأنَ بوگفته: «از او ماهی‌یأنی کی الأن بیگیفتیدی، بأورید.»

یوحنا 21:13

عیسی جُلُو بمو و نانَ اوسَده و اوشأنَ فدَه و ماهی‌یم هَطو.

یوحنا 21:9

وختی به ساحل فأرسه‌ییدی، آتشی‌یَ بیده‌ییدی کی زغالٚ اَمرأ چأکوده‌بوسته‌بو و ماهی‌یم اونٚ رو و نانم اویه نهَه‌بو.

یوحنا 6:23

او وخت قایقأنٚ دیگری از تیبِریه بموییدی و نزدیکٚ جایی فأرسه‌ییدی کی اوشأن بعد از شکرگزاری‌یٚ عیسی، نان بوخورده‌بید.

یوحنا 6:9

«ایتأ پسر بچه ایسَه کی پنج‌تأ نانٚ جو و دوتأ ماهی دأره، امّا اَن، چوطو اَ گرویَ سِئرَ کونه؟»

اعمالٚ رسولأن 27:35

وختی اَنَ بوگفته، نانَ اوسأده و همه چی‌ره خودایَ شکر بوکوده و نانَ خورده کوده، بوخورده.