یوحنا 5:3 - کیتاب مقدّس به گیلکی (رشتی)

³ در اویه خیلی از علیلأن، مثلٚ کورأن، شلأن و افلیجأن خوفتیدی و منتظرٚ حرکتٚ آب بیدی.

Gilaki New Testament

³ اویَه خٚیلیأن، جٚه کورأن، ایفلیجأن و چولأقأن زیمینٚ سٚر درأزَ کٚشه بود و رأفأ ایسأ بود کی آب تکأن بوخوره.

کتاب مقدس به زبان گیلکی - گویش شرقی

³ اوره یکته پیله دسته علیل آدمون، یعنی کورؤن، شلون و فلجون خوتن. و آؤِ توکون خوردنِ ریفا ایسابوئن.

کتاب مقدس به زبان گیلکی - گویش رشت و غرب گیلان

³ اویا ایتا پیله دسته جه علیلان یعنی کوران و شلان و ایفلیجان خوفتیدی و رافا بید آب تکان بُخوره.

یوحنا 5:3 ပူးပေါင်းရင်းမြစ်များ

متّی 15:30

مردومأنٚ زیادی اونٚ ورجأ بموییدی و خوشأنٚ اَمرأ شلأن و کورأن و ایفلیجأن و گُنگأن و مریضأنٚ زیادٚ دیگرَ بأوردیدی و عیسی پا ورجأ بنَه‌ییدی و اون، اوشأنَ شفا بده.

متّی 4:24

عیسی نام و نیشأن سرتاسرٚ سوریه بپیچسته و همه‌یٚ کسأنی کی درد و جورواجورٚ مرضأن ویا پلیدٚ روح دأشتیدی و اوشأنی کی ایفلیج و یا غشّی بید اونٚ ورجأ اَوردیدی و عیسی اوشأنَ شفا دَیی.

لوقا 7:22

عیسی وأگردسته، یحیی دوتأ شاگردأنَ بوگفته: «اونچی‌یَ کی بیده‌ییدی و بیشتأوستیدی یحیایَ بیگید کی چوطو کورأنٚ چومأن وازَ به، شلأن رأ شیدی، جوذامیأن پاکَ بیدی، کرأن ایشنأویدی، مورده‌یأن زندَه بیدی و فقیرأن، خودا پیغامٚ نجاتَ ایشنأویدی.

یوحنا 5:2

اورشلیمٚ میأن، «دروازه‌یٚ گوسفندٚ» کنار حوضی نَهه کی به زبانٚ عبرانیأن «بیت‌حِسْدا» گیدی و پنج‌تأ اِیوانٚ سربسته دأره.

یوحنا 5:4

چونکی هرچند وخت ایبار ایتأ فرشته‌یٚ خوداوند اَمویی کی آبٚ حوضَ به حرکت بأوره. اوّلی نفری کی بعد از به حرکت اَمونٚ آب واردٚ اون بوستی، از هر مرضی کی دأشتی، شفا پیدا کودی.