یوحنا 20:1 - کیتاب مقدّس به گیلکی (رشتی)

¹ در اوّلین روزٚ هفته، وختٚ سحر، زمانی کی هوا هنوز تاریک بو، مریم مَجْدَلیّه مقبره ورجه بوشو و بیده کی اونٚ سنگ اوسَده بوبوسته.

Gilaki New Testament

¹ یکشنبه روج، صُبٚ دٚم، هنو هوا تأریک بو، مریمٚ مجدلیه بوشؤ قبر سٚر و قأقَ بوسته چونکی بیدِه سنگ قبرٚ دٚرٚ جَا کنأر بوشؤ بو.

کتاب مقدس به زبان گیلکی - گویش شرقی

¹ اوّلی روز هفته میئن یعنی یکشنبه صوبه دیمَی، حلِه که هوا تاریک بو، مریم مجدلیه مقبره سر بوشو و بدِه که اونه سنگ یکته کنار گرادا بوبؤ.

کتاب مقدس به زبان گیلکی - گویش رشت و غرب گیلان

¹ هفته اولتّا روج یعنی یکشنبه صوب دَم، اُ زمات کی هوا هنو تارک بو، مریم مَجَدلیّه مَقبره سر بامو و بیده کی سنگ ایتا کنار گیل بدَه بُبوسته.

یوحنا 20:1 ပူးပေါင်းရင်းမြစ်များ

متّی 27:56

اوشأنٚ میأن مریمٚ مجْدلیّه و مریم کی یعقوب و یوسفٚ مار بو و زِبدی پسرأنٚ مارم ایسَه‌بید.

متّی 27:60

و ببرده بنَه ایتأ تازه قبرٚ میأن کی خودشٚ وأسی سنگٚ جأ بتراشته‌بو و ایتأ پیله سنگَ قبرٚ دَهنه جُلُو بغلطأنه و بوشو.

متّی 27:64

پس دستور بدید قبرَ تا سومی روز نگهبانی بدید، نوکونه اونٚ شاگردأن بأیید جسدَ بودوزأنید و مردومَ بیگید کی اون جٚه دونیایٚ مورده‌یأن ویریشته، کی در اَ صورت اَ آخرین فریب، اوّلی فریبٚ جأ بدتر به.»

متّی 27:66

بأزین بوشوییدی و سنگٚ قبرَ مهر و موم بوکودیدی و نیگهبانأنی اویه بنَه‌ییدی کی قبرٚ جأ موحافظت بوکونید.

متّی 28:1

بعدٚ شَبّاتٚ روز، اوّلی روزٚ هفته کی یکشنبه بو، خروس خوأنٚ موقع، مریمٚ مجْدلیّه و اویتأ مریم، بوشوییدی قبرَ بیدینید.

متّی 28:2

ایدفعه‌یی ایتأ زیمین‌لرزه‌یٚ شدید بمو، چونکی خوداوندٚ فرشته آسمانٚ جأ نازلَ بوسته، بأزین بوشو قبرٚ سر، سنگَ گرَ دَه ایتأ کنار و اونٚ رو بینیشته.

مَرقُس 15:46

یوسفم ایتأ کتانٚ پارچه بیهه و جسدَ صلیبٚ جأ بیجیر بأورد و کتانٚ دورون وأپخته و بنَه ایتأ قبرٚ دورون کی سنگٚ جأ بترأشته بوبوسته‌بو. بأزین ایتأ سنگ، قبرٚ دَهنه جُلُو بغلطأنه.

مَرقُس 16:9

وختی عیسی اوّلی روزٚ هفته صُبٚ دم مورده‌یأنٚ دونیا جأ ویریشته، اوّل مریمٚ مجْدلیّه‌یَ ظاهیرَ بوسته کی هفت‌تأ دیو اونٚ جأ بیرونَ کوده‌بو.

یوحنا 11:38

بعد از اون، عیسی، در حالی کی باز آشفته بو، قبرٚ سر بمو. قبر، غاری بو کی اونٚ دهأنٚ رو سنگی بنَه بید.

یوحنا 11:41

پس سنگَ اوسَدیدی. او وخت عیسی آسمانَ نیگاه بوکوده و بوگفته: «پئر، ترَ شکر کونم کی مرَ بیشنَوستی.

یوحنا 19:25

عیسی صلیبٚ نزدیکی اونٚ مار و اونٚ خألأ و مریم کْلوپاسٚ زن و مریمٚ مَجْدَلیّه ایسَه‌بید.

یوحنا 20:26

ایتأ هفته بوگوذشته، عیسی شاگردأن، بازم خانه میأن ایسَه‌بید و تومایم اوشأنٚ اَمرأ بو. در حالی کی درأن قفل بید عیسی بمو و اوشأنٚ میأن بِیسه و بوگفته: «سلام بر شومأن!»

اعمالٚ رسولأن 20:7

اوّلین روزٚ هفته کی دورٚ هم جمَ بوستیم، مراسمٚ عشایٚ ربانی دأشتیمی. پولُس، چون تصمیم دأشتی فردا تْروآسَ ترکَ کونه، اونٚ موعظه تا نصفٚ شب طول بکشه.