یوحنا 2:22 - کیتاب مقدّس به گیلکی (رشتی)

²² پس وختی کی از مُرده‌یأن ویریشته، اونٚ شاگردأن اَ گفته‌یَ به یاد بأوردیدی و به کیتابٚ موقدّس و اونٚ حرفأن ایمأن بأوردیدی.

Gilaki New Testament

²² جٚه اَنٚ پٚسی کی عیسا مورده‌یأنٚ جَا ویریشته و زٚنده بوسته، اونی شأگردأن اونی اَ گبأنَ خأطر بأوٚردٚد. بأزون موقدسٚ کیتأبأن و عیسا گبأنَ ایمأن بأوٚردٚد.

کتاب مقدس به زبان گیلکی - گویش شرقی

²² پس وختی عیسی، مرده أنِ جی زنده بوبؤ، اونه شاگردؤن​، ایی گب یاد بأردَن و مُقدّسِ نیویشته أن و گبونیِ که عیسی بوته بو، ایمؤن بأردَن.

کتاب مقدس به زبان گیلکی - گویش رشت و غرب گیلان

²² پس وقتی کی مُردئان جا زنده بُبوست، اونِ شاگردان اُ گبَ به‌ یاد باوردید و مُقدّس کتابان و گبانی کی عیسی بگفته بو یَ ایمان باوردید.

یوحنا 2:22 ပူးပေါင်းရင်းမြစ်များ

مزامیر 16:10

چونکی تو ونألی مورده‌یأنٚ دونیا میأن بِئسم و من کی تی سرسپرده ایسم، بعدٚ مردن، جٚه بین بشم.

لوقا 24:26

نأنستیدی قبلٚ اَنکی مسیح به خو جلال برسه وأستی اَ زحمتأن و سختیأنَ بیدینه؟»

لوقا 24:44

بأزین بفرمأسته: «شمرَ یاده کی قبلٚ می مردن، وختی شیمی اَمرأ ایسَه‌بوم، بوگفتم کی هرچی کی موسی کیتابٚ توراتٚ دورون و هَطویی‌یم الباقی پیغمبرأنٚ کیتاب و کیتابٚ مزامیر در موردٚ من بینیوشته بوبوسته وأستی ایتفاق دکفه؟ می منظور هَه جور ایتفاقأن بو.»

یوحنا 12:16

اونٚ شاگردأن اوّل اَ چیزأنَ نفهمستیدی، امّا وختی عیسی جلال پیدا بوکوده، به یاد بأوردیدی کی اَ چیزأن همه درباره‌یٚ اون بینیویشته بوبوسته‌بو، هوطویی کی مردوم اونٚ اَمرأ بوکوده بید.

یوحنا 14:26

امّا او پشتیبان، ینی روح‌القدس، کی پئر اونَ به نامٚ من اوسه کونه، اون همه چیزَ شمرَ یاد دهه و هر اونچی کی من شمرَ بوگفتم، شمرَ به یاد اَوره.

یوحنا 16:4

اَ حرفأنَ شمرَ بوگفتم تا وختی اونٚ انجام فأرسه، به یاد بأورید کی شمرَ آگاه بوکوده‌بوم. اوشأنَ از اوّل شمرَ نوگفتم، چونکی خودم شیمی اَمرأ بوم.

یوحنا 2:11

اَطویی عیسی خو اوّلی معجزه‌یَ قانایٚ جلیلٚ میأن انجام بده و خو جلالَ نیشأن بده و اونٚ شاگردأن به اون ایمأن بأوردیدی.

یوحنا 2:17

او وخت اونٚ شاگردأن به یاد بأوردیدی کی بینیویشته بوبوسته‌بو: «غیرتی کی تی خانه وستی دأرم، مرَ سوزنه.»

یوحنا 2:2

عیسی و اونٚ شاگردأنم به عروسی دعوت بوبوسته‌بید.

اعمالٚ رسولأن 11:16

و من خوداوندٚ کلامَ به یاد بأوردم کی بفرمأسته بو: ‹یحیی آبٚ اَمرأ تعمید دَیی ولی شومأن به روح‌القدس تعمید گیریدی.›

اعمالٚ رسولأن 13:33

عمل بوکوده و اَمی وأستی، کی اوشأنٚ زأکأن ایسیم، عیسایَ جٚه دنیایٚ مورده‌یأن زندَه کوده، هوطو کی مزمورٚ دوّمٚ میأن بینیویشته بوبوسته: «‹تو می پسر ایسی؛ ایمروز، من ترَ می زأی چأکودم.›