یوحنا 18:8 - کیتاب مقدّس به گیلکی (رشتی)

⁸ جواب بدَه: «شمرَ بوگفتم کی من خودمم. پس اگه مرَ خوأییدی، وئلید اَشأن بیشید.»

Gilaki New Testament

⁸ بٚفرمأسته: «من بوگفتم کی خودمٚم. اگه مٚرَه خأییدی، وئألید اَشأن بٚشٚد.»

کتاب مقدس به زبان گیلکی - گویش شرقی

⁸ عیسی جواب بدا: «شمره بوُتم که مو ایسّم. پس اگه می دومبال گردنین، بوگزارین ایشون بوشؤئن.»

کتاب مقدس به زبان گیلکی - گویش رشت و غرب گیلان

⁸ عیسی جواب بدَه: «شمرأ بگفتم کی من ایسَم. پس اَگه می دُمبالید، وائالید اَشان بیشید.»

یوحنا 18:8 ပူးပေါင်းရင်းမြစ်များ

متّی 26:56

امّا تومامٚ اَ ایتفاقأن دکفته تا پیغمبرأنٚ پیشگویی حقیقت پیدا بوکونه.» بأزین همه‌یٚ شاگردأن عیسایَ تنها بنَه‌ییدی و فرار بوکودیدی.

یوحنا 10:28

من اوشأنَ زندگی‌یٚ اَبدی بخشم و یقیناً هرگز هلاکَ نیبیدی و کسی اوشأنَ از می دس نتأنه بدوزده.

یوحنا 13:1

ایروز قبل از عیدٚ پِسَخ، عیسی دأنستی اونٚ وأگردستنٚ موقع از اَ دونیا به پئرٚ ورجه فأرسه، خو کسأنَ کی اَ دونیا میأن دوست دأشتی، تا حدٚ کمال محبت بوکوده.

یوحنا 13:36

شمعونٚ پطرس بوگفته: «اَی سرور، کویه شوئون دری؟» عیسی جواب بدَه: «تو الأن جایی کی من شوئون درم نتأنی می دونبأل بأیی، امّا بعداً می دونبأل اَیی.»

یوحنا 16:32

ولی زمانی فأرسه کی، و حقیقتاً الأن فأرسه کی پخشَ بیدی و هر کی خو خانه و زندگی سر شه و مرَ تنها نَهه. ولی من تنها نی‌یم، چونکی پئر می اَمرأ‌یه.

یوحنا 18:7

عیسی ایبارٚ دیگرم از اوشأن وَورسه: «کی دونبأل گردیدی؟» بوگفتیدی: «عیسای ناصری دونبأل.»

یوحنا 18:9

اَنَ بوگفته تا اونچی کی قبلاً بوگفته‌بو، ثابت ببه کی: «هیچ‌کدام از اوشأنی کی مرَ ببخشه‌یی، از دس ندم.»

۱پطرس 5:7

تومامٚ شیمی نیگرانیأنَ خوداوندَ بیسپأرید چونکی شومأن اونٚ رِه ارزش دأریدی.