یوحنا 13:1 - کیتاب مقدّس به گیلکی (رشتی)

¹ ایروز قبل از عیدٚ پِسَخ، عیسی دأنستی اونٚ وأگردستنٚ موقع از اَ دونیا به پئرٚ ورجه فأرسه، خو کسأنَ کی اَ دونیا میأن دوست دأشتی، تا حدٚ کمال محبت بوکوده.

Gilaki New Testament

¹ (پسَح عَیدٚ) شب فأرٚسِه. عیسا دأنستی کی او زمأت فأرٚسِه کی اَ دونیأیَ وأستی بٚنه و بشه پئرٚ ورجأ. اون کی اَ زمأتٚ میأن خو شأگردأنٚ محبتٚ اَمرأ خیدمت بوکوده بو، اَسه خو محبتٚ تومأم و کمأل خو شأگردأنَ نیشأن بٚدأ.

کتاب مقدس به زبان گیلکی - گویش شرقی

¹ قبل از عید پِسَخ، عیسی دؤنس که اونه وخت برسه که ایی دونیا جَی، آسمونی پئر ورجه بشی، شاگردونیم که ایی دونیا میئن دوست داشت، تا آخر محبّت بُوده.

کتاب مقدس به زبان گیلکی - گویش رشت و غرب گیلان

¹ پیش جه پِسَخ عید، عیسی دَنستی کی اونِ وقت فارسن دَره تا جه اَ دُنیا پئر ورجه بشه، شاگردانی کی اَ دُنیا درون دوست دَشتیَ، تا به آخر محبت بُکود.

یوحنا 13:1 ပူးပေါင်းရင်းမြစ်များ

متّی 26:45

بأزین شاگردأنٚ ورجأ بمو و اوشأنَ بوگفته: «هنوزم خوفته‌ییدی و ایستراحت کودَن‌درید؟ بیدینید، وختش فأرسه کی اینسأنٚ پسر، گوناهکارأنٚ دس تسلیمَ به.

متّی 28:20

و اوشأنَ تعلیم بدید کی هر اونچی کی شمرَ فرمان بدَم، بجا بأورید. وأ بدأنید کی من هر روزه تا آخرٚ اَ دونیا شیمی اَمرأ ایسَم!»

لوقا 22:53

من کی همه‌تأ روز معبدٚ صحنٚ دورون شیمی اَمرأ بوم، چره مرَ نیگیفتید؟ ولی اَ وخت و ساعت شیمی شینه، چونکی تاریکی‌ ساعته.»

لوقا 9:51

چون عیسی وأگردستنٚ وخت به آسمان فأرسئن دوبو، قوی ایراده اَمرأ اورشلیمٚ طرف بوشو،

یوحنا 11:55

وختی یهودیأنٚ عیدٚ پِسَخ نزدیکَ بوسته، عده زیادی از جاهایٚ مختلف به اورشلیم بوشوییدی تا رسمٚ تطهیر کودنٚ قبل از پِسَخَ بجا بأورید.

یوحنا 12:23

عیسی اوشأنَ بوگفته: «وختٚ جلال پیدا کودنٚ اینسانٚ پسر فأرسه.

یوحنا 13:29

بعضی‌یأن فیکر کودیدی چونکی یهودا مسئولٚ دخل و خرجه، عیسی اونَ گه کی اونچی کی عیدٚ‌ره لازمه بیهینه، یا اَنکی فقیرأنَ چیزی فدَه.

یوحنا 13:3

عیسی کی دأنستی پئر همه چیزَ اونٚ دس بیسپرده و از اونٚ ورجه بمو، و اونٚ ورجه شوئون دره،

یوحنا 13:34

شمرَ ایتأ حکمٚ جدید فدم، و اون اَنه کی همدیگرَ دوست بدأرید؛ هوطویی کی من شمرَ دوست دأشتیم، شومأنم وأ همدیگرَ دوست بدأرید.

یوحنا 14:28

بیشنَوستیدی کی شمرَ بوگفتم ‹من شوئون درم. امّا بازم شیمی ورجه اَیم.› اگه مرَ دوست بدأشته بید، خوشحالَ بوستیدی کی می پئرٚ ورجه شوئون درم، چونکی پئر از من بزرگتره.

یوحنا 14:31

امّا من کاری‌یَ کونم کی پئر مرَ دستور بدَه، تا دونیا بدأنه کی پئرَ دوست دأرم. ویریزید، بیشیم.

یوحنا 16:28

من از پئرٚ ورجه بموم و به اَ دونیا واردَ بوستم، و الأن اَ دونیایَ ترکَ کونم و پئرٚ ورجه شم.»

یوحنا 17:1

بعد از اَ حرفأن عیسی آسمانَ نیگاه بوکوده و بوگفته: «پئر، وختش فأرسه. تی پسرَ جلال بدن تا تی پسرم ترَ جلال بده.

یوحنا 17:16

اوشأن به اَ دونیا تعلّق نأریدی هَطو کی من تعلّق نأرم.

یوحنا 17:26

من تی نامَ به اوشأن بشنأسأنم و بازم شنأسأنم، تا او محبتی کی تو مِره دأشتی، در اوشأنم بمأنه و منم در اوشأن بمأنم.»

یوحنا 17:5

پس الأن اَی پئر، تونم مرَ در حضورٚ خودت جلال بدن، همان جلالی کی قبل از دونیا، تی ورجه دأشتیم.

یوحنا 18:4

عیسی با اونکی دأنستی چی رخ دهه، جُلُو بوشو و اوشأنَ بوگفته: «کی دونبأل گردیدی؟»

یوحنا 19:28

او وخت عیسی دأنستی کی همه چیز به انجام برسه؛ بوگفته: «تشنه‌یم!» به اَ خاطر بوگفته تا پیشگویی‌یٚ کیتابٚ موقدّس ثابت ببه.

یوحنا 2:13

چونکی یهودیأنٚ عیدٚ پِسَخ نزدیک بو، عیسی به اورشلیم بوشو.

یوحنا 6:4

(یهودیأنٚ عیدٚ پِسَخ نزدیک بو.)

یوحنا 7:30

پس خوأستیدی کی اونَ گیرفتارَ کونید، امّا هیچکی اونَ دس درازَ نوکوده، چونکی اونٚ وخت فَنرسه‌بو.

یوحنا 7:6

پس عیسی اوشأنَ بوگفته: «می وخت هنوز فَنرسه، امّا شِمره هر وختی مناسبه.

یوحنا 8:20

عیسی اَ حرفأنَ زمانی کی در بیت‌المالٚ معبد تعلیم دَیی، بیان بوکوده، امّا هیکس اونَ دسگیر نوکوده چونکی اونٚ وخت هنوز فَنرسه‌بو.

۱پطرس 1:13

پس شیمی حواسَ جمَ کونید و پرهیزکاری اَمرأ تومامٚ شیمی اومیدَ بنید او فیضٚ سر کی عیسی مسیحٚ ظوهورٚ موقع شمرَ عطا به.