یوحنا 12:5 - کیتاب مقدّس به گیلکی (رشتی)

⁵ «چره اَ عطرَ سیصد دینار نوفروختیدی تا اونٚ پولَ فقیرأنَ فدید؟»

Gilaki New Testament

⁵ «چٚره اَ عطر کی سیصدتأ نوقره سکه اَرزستی‌یَ، نوفروختیدی کی اونی پولَ فِقِرأنَ فأدیم؟»

کتاب مقدس به زبان گیلکی - گویش شرقی

⁵ «چرِء ایی عطرِ سیصد دینار نفورتین تا اونه پولِ ندارؤنِ هَدَین؟»

کتاب مقدس به زبان گیلکی - گویش رشت و غرب گیلان

⁵ «چره اَ عطرَ سیصد دینار نُفروختید، تا اون پولَ نادارانَ فَدید؟»

یوحنا 12:5 ပူးပေါင်းရင်းမြစ်များ

عِزرا 4:14

جٚه اَ خأطر کی اَمأن شیمی نان و نمکَ خوریمی و دوروست نی‌یه کی پادشا بی‌حورمتی‌یَ بیدینیم، هَنٚ وأسی اَ عرضٚ حالَ اوسه کودیم کی پادشایَ وأخبرَ کونیم

خروج 5:17

فرعون بوگفته: «تنبلیدی! تنبل! هَنٚ وأسی گیدی: ‹وهل بیشیم خوداوندٚ رِه قوربانی بوکونیم.›

خروج 5:8

خشتأنی‌یم کی چأکونیدی وأ هونقدر ببه کی قبلٚ اَن چأکودیدی؛ شومأن نوأ آمارَ کمَ کونید. اوشأن تنبلیدی، هَنٚ وأسی فریاد زنیدی گیدی کی بدا بیشیم اَمی خودا رِه قوربانی بوکونیم.

متّی 18:28

امّا وختی کی خادم بوشو بیرون، ایتأ جٚه خو همکارأنَ بیده کی صد دینار اونٚ جأ طلب دأشتی. خو همکارٚ گولی‌یَ بیگیفته، فشار بدَه و بوگفته: ‹می طلبَ مرَ فَدن!›

متّی 20:2

اون، اوشأنٚ اَمرأ طی بوکوده کی روزی یک دینار هر کدامٚ اوشأنَ فده و اوشأنَ اوسه کوده خو انگور باغٚ دورون کار بوکونید.

لوقا 12:33

اونچی کی دأریدی بوفروشید، فقیرأنَ فدید تا کی شیمی آخرٚ عاقبتٚ رِه گنجی ببه. او گنج ایتأ ثروتَ مأنه کی هیچ دوزدٚ دس اونَ فئنرسه و هیوختم اونَ بید نزنه،

لوقا 18:22

عیسی بفرمأسته: «امّا ایچی کم دأری. تومامٚ تی مال و منالَ بوفروش و فقیرأنٚ میأن سأم بوکون کی آسمانٚ دورون گنج بدأری و بأزین بیأ می جأ پیروی بوکون.»

لوقا 6:41

«چره پرٚ کاهَ تی برأرٚ چومٚ دورون دینی ولی روبارخالَ تی چومٚ دورون نیدینی؟

یوحنا 12:4

امّا یهودایٚ اسخریوطی، ایتأ از عیسی شاگردأن کی بعداً اونَ به دوشمن تسلیمَ کوده، بوگفته:

یوحنا 12:6

اون اَنه، فقیرأنٚ وستی نوگفتی، بلکی به اَ خاطر گفتی کی خودش دوزد بو. اون مسئولٚ دخل و خرج بو، و از پولی کی اونٚ ورجه بنَه بید، دوزدی کودی.

یوحنا 13:29

بعضی‌یأن فیکر کودیدی چونکی یهودا مسئولٚ دخل و خرجه، عیسی اونَ گه کی اونچی کی عیدٚ‌ره لازمه بیهینه، یا اَنکی فقیرأنَ چیزی فدَه.

یوحنا 6:7

فیلیپُس جواب بدَه: «دیویست دینار نانم اوشأنَ سِئرَ نوکونه، حتی اگه هر کدامٚ اوشأن ایپچه نان بوخورید.» (دیویست دینار، او موقع حدودٚ هشت ماه کارگرٚ مزد بو.)