یوحنا 1:9 - کیتاب مقدّس به گیلکی (رشتی)

⁹ اون نورٚ حقیقی کی هر آدمی‌یَ منوّرَ کونه، حقیقتاً به جهان اَمون دوبو.

Gilaki New Testament

⁹ او رأس‌رأسِی نور کی هر اینسأنی‌یَ روشنی فأدِه، اَ جهانٚ میأن اَمؤندوبو.

کتاب مقدس به زبان گیلکی - گویش شرقی

⁹ او حقیقی نور که هر آدمیِ روشنایی بخشنه، دونیا میئن اَمَه.

کتاب مقدس به زبان گیلکی - گویش رشت و غرب گیلان

⁹ اُ حئیقتی نور،کی هر آدمیَ روشنائی بخشه دُنیا درون اَمویی.

یوحنا 1:9 ပူးပေါင်းရင်းမြစ်များ

متّی 6:23

ولی اگه تی چوم سالم نبه، تومامٚ تی وجودَ تاریکی گیره. هَنٚ وأسی اگه نوری کی تی وجودٚ دورون نهَه، تاریک ببه، وأستی بدأنید کی چی پیله‌دأنه تاریکی‌یی به وجود اَیه.

لوقا 11:36

اگه شیمی باطنٚ دورون نورانی ببه و تاریکی نقطه اونٚ میأن نمأنه، بأزین تومامی‌یٚ شیمی وجود روشنَ به. اَنٚ مأنستنه کی ایتأ پور نورٚ چراغ، شِمرِه دتأوستَن دره.»

یوحنا 1:4

در اون حیات بو و او حیات، نورٚ آدمیأن بو.

یوحنا 1:7

اون شهادت دَئنٚ‌ره بمو بو، شهادتٚ بر او نور، تا همه توسطٚ اون ایمأن بأورید.

یوحنا 12:46

من ایتأ نورٚ مأنستن به جهان بموم تا هر کی به من ایمأن بأوره، تاریکی میأن نِیسه.

یوحنا 14:6

عیسی اونَ بوگفته: «رأ و راستی و حیات من ایسم، هیکس می پئرٚ ورجه نأیه مگر به واسطه‌یٚ من.

یوحنا 15:1

«انگور درختٚ حقیقی من ایسم و می پئر باغبأنه.

یوحنا 6:32

عیسی جواب بده: «آمین، آمین، شمرَ گم، موسی نبو کی از آسمان او نانَ شمرَ فدَه، بلکی می پئر بو کی نانٚ حقیقی‌یَ از آسمان شمرَ فده.

یوحنا 7:12

درباره‌یٚ اون مردومٚ میأن همهمه زیاد بو. تعدادی گفتیدی: «مردٚ خُبی ایسه» و تعدادٚ دیگرم گفتیدی: «نه، بلکی مردومَ گمراه کونه.»