یوحنا 1:43 - کیتاب مقدّس به گیلکی (رشتی)

⁴³ روزٚ بعد عیسی خوأستی کی به ولایتٚ جلیل بشه. فیلیپُسَ پیدا بوکوده و اونَ بوگفته: «می دونبأل بیأ!»

Gilaki New Testament

⁴³ فردأیی، عیسا بٚخأسته کی بشه جلیلٚ اوستأنٚ میأن. رأ میأن «فیلیپُسَ» بیدِه و اونَ بوگفته: «می اَمرأ بیأ.»

کتاب مقدس به زبان گیلکی - گویش شرقی

⁴³ فردایی عیسی تصمیم بیته بشی جلیل ولایت. او فیلیپس پیدا گوده و اونه بوته: «می دومبال بیه!»

کتاب مقدس به زبان گیلکی - گویش رشت و غرب گیلان

⁴³ فردای اُ روج، عیسی تصمیم بیگیفت کی جلیل ولایت بشه. عیسی فیلیُپسَ بیافت و اونَ بگفت: «می دُمبال بیا!»

یوحنا 1:43 ပူးပေါင်းရင်းမြစ်များ

متّی 10:3

فیلیپُس و برتولما؛ توما، و متّی کی باجگیر بو؛ یعقوب حلفایٚ پسر، و تَدّای؛

متّی 4:12

وختی عیسی بیشنأوسته کی یحیایَ بیگیفتیدی، وأگردسته اوستانٚ جلیلٚ میأنی.

متّی 8:22

ولی عیسی اونَ بوگفته: «می دونبألسر بیأ، بده مورده‌یأن، خوشأنٚ مورده‌یأنَ دفنَ کونید.»

متّی 9:9

وختی عیسی او شهرَ ترکَ کودَن دوبو، ایتأ مردأکَ بیده کی اونٚ نام متّی بو. متّی جایی کی خراج فیگیریدی نیشته‌بو. عیسی اونَ بوگفته: «می دونبألسر بیأ!» متّی ویریشته و اونٚ دونبألسر رأ دکفته بوشو.

لوقا 19:10

چونکی اینسأنٚ پسر بمو تا اونی‌یَ کی اویرَ بوسته پیدا بوکونه و نجات بده.»

یوحنا 1:28

اَشأن همه در بیت‌عَنْیا واقع در او طرفٚ اُردُنٚ رودخانه رخ بده، جایی کی یحیی تعمید دَیی.

یوحنا 1:29

فردایٚ او روز، یحیی چون عیسایَ بیده کی اونٚ طرف اَمون دره، بوگفته: «اَنه برّه‌یٚ خودا کی گونایَ از دونیا اوسَنه!

یوحنا 1:35

فردایٚ او روز، ایبارٚ دیگر یحیی خو دوتأ شاگردأنٚ اَمرأ ایسَه‌بو.

یوحنا 1:37

وختی اونٚ دوتأ شاگرد، اَنٚ حرفَ بیشنَوستیدی، از عیسی دونبألسر رأ دکفتیدی.

یوحنا 1:44

فیلیپُس اهلٚ بیت‌صِیْدا بو، آندریاس و پِطرُسٚ همشهری.

یوحنا 12:21

اوشأن فیلیپُسٚ ورجه بموییدی کی اهلٚ بیت‌صِیْدایٚ جلیل بو. اونَ بوگفتیدی: «اَی سرور، خوأییم عیسایَ بیدینیم.»

یوحنا 14:8

فیلیپُس اونَ بوگفته: «اَی سرور، پئرَ اَمرَ نیشأن بدن، هَن اَمرَ کافی‌یه.»

یوحنا 2:11

اَطویی عیسی خو اوّلی معجزه‌یَ قانایٚ جلیلٚ میأن انجام بده و خو جلالَ نیشأن بده و اونٚ شاگردأن به اون ایمأن بأوردیدی.

یوحنا 6:5

وختی عیسی نیگاه بوکوده، بیده کی گروه زیادی اونٚ طرف اَمون دریدی، فیلیپُسَ بوگفته: «از کویه نان بیهینیم تا اَشأن بوخورید؟»

یوحنا 6:7

فیلیپُس جواب بدَه: «دیویست دینار نانم اوشأنَ سِئرَ نوکونه، حتی اگه هر کدامٚ اوشأن ایپچه نان بوخورید.» (دیویست دینار، او موقع حدودٚ هشت ماه کارگرٚ مزد بو.)

فیلیپیان 3:12

نوگفتَن‌درم کی هَه الأن تومامٚ اَشأنَ بدس بأوردم یا کامیلَ بوستم، بلکی مرَ برم جُلُو کی او چیزی‌یَ بدس بأورم کی مسیحْ عیسی اونٚ رِه مرَ بدس بأورده.