یوحنا 1:29 - کیتاب مقدّس به گیلکی (رشتی)

²⁹ فردایٚ او روز، یحیی چون عیسایَ بیده کی اونٚ طرف اَمون دره، بوگفته: «اَنه برّه‌یٚ خودا کی گونایَ از دونیا اوسَنه!

Gilaki New Testament

²⁹ فردأیی، یوحنا، عیسایَ بیدِه کی اونی ور اَمؤندره. پس مردومَ بوگفته: «فأندرید! اَن هو بٚرّه‌یی ایسه کی خودا اوسه کوده، کی تومأمٚ دونیأ مردومٚ گونأیأنٚ بٚخشئنٚ وأسی قوربأنی به.

کتاب مقدس به زبان گیلکی - گویش شرقی

²⁹ فردأیی، یحیی بدِه که عیسی اونه طرف أمَئدره، بوته: «بَینین، اینه خدا قوربؤنی برّه، که دونیا جی گوناهِ ویگینه!

کتاب مقدس به زبان گیلکی - گویش رشت و غرب گیلان

²⁹ فردایی، یحیی عیسیَ بیده کی اونِ سمت اَمون دَره، بگفت: «بیدینید، اَن ایسه خُدا قربانی بَرِّه کی گُنایَ دُنیا جا اوسانه!

یوحنا 1:29 ပူးပေါင်းရင်းမြစ်များ

متّی 1:21

اون، پسر زأکی بدونیا اَوره کی تو وأستی اونٚ نامَ ‹عیسی› بنی چونکی اون، خو قومَ جٚه اوشأنٚ گونایأن نجات دهه.»

متّی 20:28

چره کی اینسأنٚ پسرم نمو کی اونَ خدمت بوکونید، بلکی بمو تا خدمت بوکونه و خو جانَ خیلی‌یأنٚ نجاتٚ وأسی فدا بوکونه.»

یوحنا 1:35

فردایٚ او روز، ایبارٚ دیگر یحیی خو دوتأ شاگردأنٚ اَمرأ ایسَه‌بو.

یوحنا 1:36

اون عیسایَ کی رأ شوئون دوبو، نیگاه بوکوده و بوگفته: «اَنه، خودا برّه!»

یوحنا 1:43

روزٚ بعد عیسی خوأستی کی به ولایتٚ جلیل بشه. فیلیپُسَ پیدا بوکوده و اونَ بوگفته: «می دونبأل بیأ!»

یوحنا 2:1

سوّمی روز قانایٚ جلیلٚ میأن عروسی بو و عیسی مارم اویه ایسَه‌بو.

یوحنا 3:16

«چونکی خودا دنیایَ اونقدر محبت بوکوده کی خو یگانه پسرَ فدَه، تا هرکی به اون ایمأن بأوره هلاکَ نبه، بلکی زندگی‌یٚ اَبدی بدأره.

یوحنا 4:42

اوشأن او زنَ بوگفتیدی: «تنها دِه بخاطرٚ تی حرفأن ایمأن نأوریم، چونکی اَمأن خودمأن اونٚ حرفأنَ بیشنَوستیم و دأنیم کی حقیقتاً اَ مرد نجات‌دهنده‌یٚ دنیایه.»

یوحنا 6:51

اون نانٚ زنده، من ایسم کی از آسمان نازلَ بوسته. هر کی اَ نانَ بوخوره، تا اَبد زنده مأنه. نانی کی من برای حیاتٚ دونیا بخشم، می بدنه.»

اعمالٚ رسولأن 13:39

هسأ هر کی به عیسی نام ایمأن بأوره، جٚه گونایأن آزادَ به، کی موسی شریعت نتأنستی اونٚ‌ره او کارَ بوکونه.

اعمالٚ رسولأن 8:32

قسمتی جٚه خودا کلامَ خوأندن دوبو کی گفتی: «اون گوسفندٚ مأنستن بو، کی کوشتنٚ‌ره بریدی و ایتأ بره مأنستن بو کی پشم‌چینأنٚ ورجأ آرام ایسه و گبی نزنه.

۱پطرس 1:19

بلکی مسیحٚ گیران‌قیمتٚ خونٚ اَمرأ، هو بی‌عیب و نقصٚ بره.

۱پطرس 2:24

مسیح خودش اَمی گونایأنَ خو جانٚ اَمرأ صلیبٚ سر ببرده کی گوناهٚ رِه بیمیریم و پارسایی رِه زندگی بوکونیم، هونی کی اونٚ زخمأنٚ اَمرأ شفا بیگیفتید.

۱پطرس 3:18

چره کی مسیح هم ایوار گونایأنٚ وأسی رنج بکشه، ایتأ پارسا، بدکارٚ آدمأنٚ وأسی، کی شمرَ خودا ورجأ بأوره. جٚه نظرٚ جسمأنی بمرده ولی جٚه نظرٚ روحأنی زندَه بوسته،