عِزرا 9:9 - کیتاب مقدّس به گیلکی (رشتی)

⁹ چره کی اَمأن بنده ایسیم، ولی اَمی خودا، اَمرَ بندگی دورأنٚ میأن ولَ نوکوده، بلکی خو موحبتَ پارسٚ پادشایأنٚ ورجأ اَمرَ ببخشه، اَمی جانَ تازَه کوده تا اَمی خودا معبدَ دوواره چأکونیم و اونٚ خرابه‌یأنَ چأکون وأکون بوکونیم و اَمرَ یهودا و اورشلیمٚ میأن حیصارٚ اَمرأ موحافظت بوکوده.

عِزرا 9:9 ပူးပေါင်းရင်းမြစ်များ

عِزرا 2:68

وختی اوشأن فأرسه‌ییدی خوداوندٚ معبد کی اورشلیمٚ میأن نهَه‌بو، بعضی جٚه خاندأنأنٚ پیله کسأن، خوشأنٚ میلٚ اَمرأ پیش‌کشی‌یأنَ فأدَه‌ییدی تا خودا معبدَ هو جا سر، دوواره چأکونید.

عِزرا 7:6

هَه عِزرا بابِلٚ سرزیمینٚ جأ ویریشته بمو. اون، موسی شریعتٚ کی یهوه، ایسرائیلٚ خودا، فأدَه‌بو، اوستاد بو. پادشا هرچی کی عِزرا اونٚ جأ خوأستی اونَ فأدَه‌یی، چره کی یهوه دس، کی عِزرا اونَ پرستش کودی، اونٚ رو نهَه‌بو.

عِزرا 7:8

پنجمی ماه جٚه هفتمی سال اردشیرٚ پادشایی عِزرا فأرسه اورشلیم.

عِزرا 9:10

«هسأ اَی اَمی خودا، بأزین چی وأ بیگیم؟ چره کی تی دستورأنَ محل نوکودیم،

دانیال 9:25

«تو وأ بدأنی و آگاه بیبی کی جٚه فرمانٚ دوواره آباد کودنٚ اورشلیم، تا اَمونٚ او کسی کی خودا مسح بوکوده، هفت هفته و شصت و دو هفته دیگر زمأن بره. بأزین اورشلیمٚ کوچه‌یأن و اونٚ خندق، موصیبتٚ زمأنٚ میأن، دوواره چأکوده به.