عِزرا 9:14 - کیتاب مقدّس به گیلکی (رشتی)

¹⁴ پس چوطو تأنیمی ایوار دِه تی دستورأنٚ جأ سرپیچی بوکونیم و او قومأنٚ اَمرأ کی اَ جور پستٚ کارأن کونیدی، قوم و خویش بیبیم؟ بأزین ترَ اوطو غیظ نیگیره کی همه‌تأنٚ اَمرَ جٚه بین ببری، جوری کی نه کسی جأ چیزی باقی مأنه، و هیکسم نتأنه جان بدر ببره؟

عِزرا 9:14 ပူးပေါင်းရင်းမြစ်များ

عِزرا 10:10

بأزین عِزرا کی کاهن بو، ویریشته و اوشأنَ بوگفته: «شومأن خیانت بوکودید و بیگانه زنأکأنَ بیگیفتید و اَطویی ایسرائیلٚ قومٚ گونایَ ویشترَ کودید.

عِزرا 9:2

چره کی اوشأنٚ دُخترأنٚ جأ، خوشأنٚ رِه و خوشأنٚ پسرأنٚ رِه زن بیگیفتیدی و اَطویی خوشأنٚ موقدّسٚ قومَ، دیگر سرزیمینأنٚ قومأنٚ اَمرأ قاطی بوکودیدی و قومٚ رهبرأن و حاکمأن اَ خیانتٚ میأن پیش قدم بید.»

عِزرا 9:8

و هسأ، اَ کوجه زمأتٚ دورون، یهوه، اَمی خودا، اَمرَ لطف بوکوده، وهشته کی ایتأ عده تبعیدٚ جأ وأگردید و خو موقدّسٚ جاجیگاه دورون، اَمرَ جا بدَه تأ امنیت بدأریم، و اَطویی اَمی خودا اَمی چومأنَ نور دتأوأنه و بندگی موقع ایتأ پیچه اَمی جانَ تازَه کوده.

یوحنا 5:14

مدتی بعد، عیسی او مردَ معبدٚ میأن پیدا بوکوده و اونَ بوگفته: «الأن کی تی سلامتی‌یَ پیدا بوکودی، دِه گوناه نوکون تا از اونی کی بی، بدترَ نیبی.»