عِزرا 8:1 - کیتاب مقدّس به گیلکی (رشتی)

¹ اَشأنیدی خاندأنأنٚ پیله کسأن و او آدمأنی کی اوشأنٚ نام اَشأنٚ اَمرأ بینیوشته بوبوسته کی اردشیرٚ پادشا سلطنتٚ دورأن، می اَمرأ بابِلٚ جأ ویریشتیدی بمویید:

عِزرا 8:1 ပူးပေါင်းရင်းမြစ်များ

عِزرا 1:5

یهودا و بنیامینٚ خاندأنأنٚ پیله کسأن و کاهنأن و لاویأن، ینی تومامٚ کسایی کی خودا اوشأنٚ روحَ لمس بوکوده‌بو، ویریشتیدی کی بیشید اورشلیم و معبدَ اویه چأکونید.

عِزرا 2:2

اوشأن زروبابِل، یِشوعَ، نِحِمیا، سِرایا، رِعیلایا، مردخای، بِلشان، مِسفار، بِغوای، رِحوم و بَعَنا اَمرأ بموییدی. ایسرائیلی مردأکأن کی بموییدی اَشأن بید:

عِزرا 2:3

فَرعوشٚ نسلٚ جأ ۲۱۷۲ نفر.

عِزرا 2:62

اَشأن، خوشأنٚ نسبتأنَ، شجره‌نامچه میأن کی بینیویشته بوبوسته‌بو، وأمختید ولی هیچی نیأفتید. هَن وأسی چونکی حرام بحیساب اَموییدی، کاهنی جأ کنار بنَه بوبوستیدی.

عِزرا 7:13

می حوکم اَنه کی ایسرائیلٚ قومٚ جأ یا اوشأنٚ کاهنأن و لاویأنٚ جأ، اوشأنی کی می سرزیمینٚ دورون ایسَه‌ییدی، هرکی راضی ایسه کی بشه اورشلیم، تأنه تی اَمرأ بأیه.

عِزرا 7:28

و اونٚ موحبتٚ وأسی پادشا و اونٚ مشاورأن و تومامٚ پادشا پور قوّتٚ پیله کسأن، مرَ قوبیل دأریدی. من جٚه اَ خأطر کی می خودا، یهوه دس می رو نهَه‌بو، می دیل قورصَ بوسته و تومامٚ ایسرائیل رئیسأنَ جمَ کودم تا می اَمرأ بأیید.

عِزرا 7:6

هَه عِزرا بابِلٚ سرزیمینٚ جأ ویریشته بمو. اون، موسی شریعتٚ کی یهوه، ایسرائیلٚ خودا، فأدَه‌بو، اوستاد بو. پادشا هرچی کی عِزرا اونٚ جأ خوأستی اونَ فأدَه‌یی، چره کی یهوه دس، کی عِزرا اونَ پرستش کودی، اونٚ رو نهَه‌بو.

عِزرا 7:7

اردشیرٚ پادشایی هفتمی سال، ایتأ عده جٚه ایسرائیلٚ مردومأن و کاهنأن و لاویأن و سرود خوأنأن و دربانأن و معبدٚ ختمتگوزارأنم عِزرا اَمرأ بموییدی اورشلیم.

عِزرا 8:2

جِرشوم، فینِحاسٚ نسلٚ جأ دانیال، ایتامارٚ نسلٚ جأ حَطّوش، داوودٚ نسلٚ جأ،