عِزرا 7:6 - کیتاب مقدّس به گیلکی (رشتی)

⁶ هَه عِزرا بابِلٚ سرزیمینٚ جأ ویریشته بمو. اون، موسی شریعتٚ کی یهوه، ایسرائیلٚ خودا، فأدَه‌بو، اوستاد بو. پادشا هرچی کی عِزرا اونٚ جأ خوأستی اونَ فأدَه‌یی، چره کی یهوه دس، کی عِزرا اونَ پرستش کودی، اونٚ رو نهَه‌بو.

عِزرا 7:6 ပူးပေါင်းရင်းမြစ်များ

عِزرا 5:5

ولی یوهودیأنٚ خودا چومأن، یهودا پیله کسأنٚ رو نهَه‌بو و کسی‌یم نتأنستی اوشأنٚ کارٚ جولُویَ بیگیره تا ایتأ دس‌نیویشته داریوشٚ پادشا دس فأرسه و اونم خو جوابَ اَ کارٚ وأسی اوشأنٚ رِه بینیویسه و اوسه بوکونه.

عِزرا 6:22

اوشأن عیدٚ نانٚ فطیرَ هفت روز ذوق و شوقٚ اَمرأ جشن بیگیفتید، چره کی خوداوند اوشأنٚ دیلَ شادَ کوده‌بو و هَطویم آشورٚ پادشا دیلَ نرمَ کوده‌بو تا اوشأنٚ دسَ، ایسرائیلٚ خودا معبدٚ چأکودنٚ وأسی بیگیره.

عِزرا 7:21

من، اردشیرٚ پادشا، تومامٚ ماوراءالنهرٚ خزانه‌دارأنٚ رِه ایتأ حوکم بینیویشتم کی هرچی عِزرا کی کاهنه و خودایٚ آسمانٚ شریعتَ خُب دأنه، شیمی جأ بخوأیه، تومام و کمال اونَ فراهم بوکونید:

عِزرا 7:28

و اونٚ موحبتٚ وأسی پادشا و اونٚ مشاورأن و تومامٚ پادشا پور قوّتٚ پیله کسأن، مرَ قوبیل دأریدی. من جٚه اَ خأطر کی می خودا، یهوه دس می رو نهَه‌بو، می دیل قورصَ بوسته و تومامٚ ایسرائیل رئیسأنَ جمَ کودم تا می اَمرأ بأیید.

عِزرا 7:5

و بُقّی، اَبیشوَع زأی و اون فینِحاسٚ زأی و فینِحاس، اِلعازارٚ زأی و اون هارونٚ زأی کی کاهنٚ اعظم بو.

عِزرا 7:9

اون، اوّلی روز جٚه اوّلی ماه، بابِلٚ جأ بیرون بوشو و خو سفرَ شروع بوکوده و اوّلی روز جٚه پنجمی ماه، فأرسه اورشلیم چونکی خودا لطف و موحبت اونٚ اَمرأ بو.

عِزرا 8:1

اَشأنیدی خاندأنأنٚ پیله کسأن و او آدمأنی کی اوشأنٚ نام اَشأنٚ اَمرأ بینیوشته بوبوسته کی اردشیرٚ پادشا سلطنتٚ دورأن، می اَمرأ بابِلٚ جأ ویریشتیدی بمویید:

عِزرا 8:18

جٚه اَ خأطر کی خودا لطف و موحبت اَمی اَمرأ بو، مَحْلی نسلٚ جأ، کی لاوی زأی بو و اونم ایسرائیلٚ زأی، ایتأ عاقلٚ مردأکَ کی اونٚ نام شِرِبیا بو، اونٚ پسرأن و برأرأنٚ اَمرأ کی سرجم هیجده نفر بید، اَمی ورجأ بأوردید.

عِزرا 8:22

چره کی مرَ خجالت اَمویی کی پادشا جأ لشکر و سوار بخوأیم تا اَمرَ رأ دورونی دوشمنأنٚ جأ موحافظت بوکونید. چونکی قبلنأن پادشایَ بوگفته‌بیم: «اَمی خودا دسٚ جأ تومامٚ کسأنی‌یَ کی اونَ بخوأیید، خیر و برکت فأرسه، ولی اونٚ قودرت و غیظ تومامٚ اوشأنٚ ضد ایسه کی اونَ ترکَ کونیدی.»

عِزرا 8:31

دوازدهمی روز جٚه اوّلی ماه، اَهَوا روخانٚ جأ رأ دکفتیم و بوشوییم اورشلیمٚ طرف. اَمی خودا دس اَمی اَمرأ بو و اون، سفرٚ میأن اَمرَ دوشمنأن و رأزنأنٚ دسٚ جأ حفظ بوکوده.

متّی 13:52

بوشو خو شهر و کنیسه میأن مردومَ تعلیم بدَه. مردوم تعجب کودیدی و وَورسه‌ییدی: «اَ مرد اَجور حکمت و قودرتٚ انجامٚ معجزه‌یأنَ کویه جأ بدس بأورده؟

متّی 23:2

«دینٚ علما و فریسیأن، موسی مسندٚ سر نیشته‌ییدی.

متّی 28:20

و اوشأنَ تعلیم بدید کی هر اونچی کی شمرَ فرمان بدَم، بجا بأورید. وأ بدأنید کی من هر روزه تا آخرٚ اَ دونیا شیمی اَمرأ ایسَم!»