عِزرا 7:25 - کیتاب مقدّس به گیلکی (رشتی)

²⁵ و تو، اَی عِزرا، او حکمتی اَمرأ کی خودا ترَ فأدَه، قاضیأن و داورأنَ کی خودا شریعتَ خُب دأنیدی، اینتخاب بوکون تا بتأنید تومامٚ ماوراءالنهرٚ مردومأنَ داوری بوکونید؛ و شومأن اوشأنی‌یَ کی نأنیدی، یاد بدید.

عِزرا 7:25 ပူးပေါင်းရင်းမြစ်များ

پیدایش 41:38

پس فرعون خو خادمأنَ وَورسه: «اَمأن کویه تأنیم اَجور آدمَ پیدا بوکونیم کی خودا روحَ بدأره؟»

پیدایش 41:39

پس فرعون یوسفَ بوگفته: «هسه کی خودا ترَ جٚه تومامٚ اَ چیزأن وأخبرَ کوده، هیکسٚ دیگری نِیسه کی تی مأنستن حکیم و عاقل ببه.

عِزرا 10:4

هسأ ویریز، چره کی اَن تی کاره و اَمأنم تی اَمرأ ایسیم. پس تی دیلَ قورصَ کون و اَ کارَ انجام بدن.»

عِزرا 6:6

«پس هسأ اَی تَتِنایی، ماوراءالنهرٚ والی و شِتَربوزِنای و شومأن و شیمی همدسأن کی ماوراءالنهرٚ پیله کسأن ایسید، اویه جأ دورَ بید.

عِزرا 7:10

چره کی عِزرا خو دیلَ، خودا شریعتٚ وأمختنَ و اونَ انجام دَئنَ و اونٚ حوکمأن و دستورأنٚ یاد دَئنَ ایسرائیلٚ میأن بیسپرده‌بو.

عِزرا 7:14

چره کی پادشا و اونٚ هفتأ مشاورأن ترَ اوسه کودیدی تا بیشی یهودا و اورشلیم، و اوشأنٚ اوضاع و احوالَ پورسٚ جو بوکونی تا بیدینی تی خودا شریعتٚ جأ کی تی دسٚ دورون نهَه ایطاعت کونیدی یا نه.

مزامیر 19:7

خوداوندٚ شریعت کامله و جانَ تازَه کونه. خوداوندٚ شهادتأن امین ایسیدی و نادانٚ آدمأنَ فأم یاد دهه.

متّی 13:52

بوشو خو شهر و کنیسه میأن مردومَ تعلیم بدَه. مردوم تعجب کودیدی و وَورسه‌ییدی: «اَ مرد اَجور حکمت و قودرتٚ انجامٚ معجزه‌یأنَ کویه جأ بدس بأورده؟

مَرقُس 6:34

وختی عیسی کرجی جأ پیادَه بوسته، بیده ایتأ عالمه مردوم اویه جمَ بوستید و اونٚ دیل اوشأنٚ وأسی بوسوخته، چره کی بی چوپانٚ گوسفندأنٚ مأنستن بید. پس شروع بوکوده خیلی چیزأن اوشأنَ تعلیم دَئن.