عِزرا 7:21 - کیتاب مقدّس به گیلکی (رشتی)

²¹ من، اردشیرٚ پادشا، تومامٚ ماوراءالنهرٚ خزانه‌دارأنٚ رِه ایتأ حوکم بینیویشتم کی هرچی عِزرا کی کاهنه و خودایٚ آسمانٚ شریعتَ خُب دأنه، شیمی جأ بخوأیه، تومام و کمال اونَ فراهم بوکونید:

عِزرا 7:21 ပူးပေါင်းရင်းမြစ်များ

عِزرا 4:16

هَنٚ وأسی پادشایَ وأخبرَ کونیم کی اگه اَ شهر دوواره چأکوده ببه و اونٚ دیفارأن بوجور بشه، ماوراءالنهرٚ جأ هیچی شمرَ نمأنه.»

عِزرا 4:20

پور زور و قوّتٚ پادشایأن، اورشلیمٚ میأن ایسَه‌بید کی تومامٚ ماوراءالنهرَ حکومت کودیدی و جزیه و خراجٚ و باج فیگیفتیدی.

عِزرا 6:6

«پس هسأ اَی تَتِنایی، ماوراءالنهرٚ والی و شِتَربوزِنای و شومأن و شیمی همدسأن کی ماوراءالنهرٚ پیله کسأن ایسید، اویه جأ دورَ بید.

عِزرا 7:1

بعدٚ اَ ایتفاقأن، اردشیر، پارسٚ پادشا سلطنتٚ زمأت، عِزرا، سِرایا زأی کی عَزَریا زأی و اون حِلقیا زأی

عِزرا 7:22

تا سه هیزار و چارصد کیلو نقره و هیجده هیزار کیلو گندم، دو هیزار لیتر شراب، دو هیزار لیتر روغنٚ زیتون و هَطویم هرچی کی نمک بخوأیه.

عِزرا 7:6

هَه عِزرا بابِلٚ سرزیمینٚ جأ ویریشته بمو. اون، موسی شریعتٚ کی یهوه، ایسرائیلٚ خودا، فأدَه‌بو، اوستاد بو. پادشا هرچی کی عِزرا اونٚ جأ خوأستی اونَ فأدَه‌یی، چره کی یهوه دس، کی عِزرا اونَ پرستش کودی، اونٚ رو نهَه‌بو.

عِزرا 8:36

هَطویم پادشا دستورأنَ پادشا ساتْراپأن و ماوراءالنهرٚ حاکمأنَ فأرسأنه‌یید و اوشأنم قوم و معبدٚ جأ کومک بوکودیدی.

دانیال 6:26

فرمان دهم کی تومامٚ مردومأنٚ سرتاسرٚ می پادشایی وأ دانیالٚ خودا جُلُو ترسان و لرزان بیبید! چونکی اون خودایٚ زنده و اَبدی ایسه. اونٚ پادشایی نابودَ نیبه و اونٚ قودرت پایانی نأره.