عِزرا 7:14 - کیتاب مقدّس به گیلکی (رشتی)

¹⁴ چره کی پادشا و اونٚ هفتأ مشاورأن ترَ اوسه کودیدی تا بیشی یهودا و اورشلیم، و اوشأنٚ اوضاع و احوالَ پورسٚ جو بوکونی تا بیدینی تی خودا شریعتٚ جأ کی تی دسٚ دورون نهَه ایطاعت کونیدی یا نه.

عِزرا 7:14 ပူးပေါင်းရင်းမြစ်များ

عِزرا 1:3

شیمی میأنی، هر کی اونٚ قوم شینه - خودایم اونٚ اَمرأ ببه - تأنه بشه اورشلیم کی یهودا اوستانٚ میأن نهَه و یهوه معبدَ چأکونه، ایسرائیلٚ خودا کی اویه حوضور دأره.

عِزرا 5:8

پادشایَ وأخب‌دارَ کونیمی کی اَمأن، یوهودیأنٚ سرزیمین، پیله خودا معبدَ بوشوییم و بیده‌ییمی کی اوشأن، او معبدَ پیله‌دأنه بتأشته سنگأنٚ اَمرأ چأکودَن‌دریدی و اونٚ دیفارأنٚ لا میأنی چوب نهیدی و اَ کار اوشأنٚ دسٚ اَمرأ دیقتٚ اَمرأ و توند توندی پیش شوئون دره.

عِزرا 6:12

و ببه کی خودایی کی خو نامَ اویه ساکن بوکوده، هر پادشا یا قومی کی اَ حوکمَ عوضٚ کودنٚ وأسی یا اَ معبدٚ فوگوردأنئنٚ وأسی کی اورشلیم میأن نهَه خو دسَ درازَ کونه، نابود بوکونه. من، داریوش اَ فرمانَ صادر کونم؛ وأستی اَ کار تومام و کمال انجام ببه.»

عِزرا 6:8

هَطویم فرمان دهم کی شومأن وأ چوطویی اَ یوهودٚ پیله کسأنَ معبد چأکودنٚ وأسی کومک بوکونید. تومامٚ خرج و مخارجم پادشا مال و منالٚ جأ، ینی ماوراءالنهرٚ خراجٚ جأ، اَ مردومأنَ فأدید تا کار نوخوسه.

عِزرا 7:15

هَطویم وأستی نقره و طلایی کی پادشا و اونٚ مشاورأن، خودایٚ ایسرائیلٚ رِه کی اونٚ معبد اورشلیمٚ میأن نهَه، خوشأنٚ میلٚ اَمرأ ببخشه‌ییدی، ببری

عِزرا 7:28

و اونٚ موحبتٚ وأسی پادشا و اونٚ مشاورأن و تومامٚ پادشا پور قوّتٚ پیله کسأن، مرَ قوبیل دأریدی. من جٚه اَ خأطر کی می خودا، یهوه دس می رو نهَه‌بو، می دیل قورصَ بوسته و تومامٚ ایسرائیل رئیسأنَ جمَ کودم تا می اَمرأ بأیید.

عِزرا 8:25

و نقره و طلا و ظرف و ظروفأنَ کی پادشا و اونٚ مشاورأن و صاحب‌منصبأن و تومامٚ بنی‌ایسرائیل کی اویه ایسَه‌بید، اَمی خودا معبدٚ رِه پیش‌کش بوکوده‌بید، ترازو اَمرأ بکشم و کاهنأنَ بیسپردم.

استر 1:14

هو هفت‌تأ حکیمأن، اَمیرأنٚ پارس و ماد بید کی همیشه تأنستید هر موقع کی اوشأنٚ دیل خوأستی، پادشایَ بیدینید و اوشأنٚ مقام، اَمیرأنٚ دیگرٚ جأ بوجورتر بو کی کَرشِنا، شیتار، اَدماتا، تَرشیش، مِرِس، مَرسِنا و مِموکان نام دأشتیدی.

دانیال 2:47

پادشا دانیالَ بوگفته: «رأس رأسی شیمی خودا، خودایٚ خودایأن و پادشایأنٚ سروره و هونه کی اسرارَ نیشأن دهه، چونکی تو بتأنستی اَ رازَ آشکار بوکونی.»

دانیال 6:20

وختی چاه سر فأرسه، ناله اَمرأ دانیالَ دوخوأنه و اونٚ جأ وأورسه: «اَی دانیال، خادمٚ خودایٚ زنده، تی خودا کی تو اونَ همیشه پرستش کونی بتأنسته ترَ شیرأنٚ جأ نجات بده؟»

دانیال 6:26

فرمان دهم کی تومامٚ مردومأنٚ سرتاسرٚ می پادشایی وأ دانیالٚ خودا جُلُو ترسان و لرزان بیبید! چونکی اون خودایٚ زنده و اَبدی ایسه. اونٚ پادشایی نابودَ نیبه و اونٚ قودرت پایانی نأره.