عِزرا 7:11 - کیتاب مقدّس به گیلکی (رشتی)

¹¹ هَنٚ ایسه ایتأ دس‌نیویشته جٚه او عرضٚ حال کی اردشیرٚ پادشا فأدَه عِزرا دس کی کاهن و اوستاد بو و تومامٚ خوداوندٚ دستورأن و حوکمأنَ ایسرائیل رِه خُب دأنستی:

عِزرا 7:11 ပူးပေါင်းရင်းမြစ်များ

عِزرا 4:11

هَن ایسه دس‌نیویشته جٚه او عرضٚ حال کی پادشایَ اوسه کودید: «پادشا اردشیرٚ رِه، جٚه تی ختمتگوزارأن کی ماوراءالنهرٚ میأن زندگی کونیمی:

عِزرا 5:6

تَتِنایی، ماوراءالنهرٚ والی و شِتَربوزِنای و اونٚ همدسأن ینی پیله کسأن کی ماوراءالنهرٚ دورون زندگی کودیدی، داریوش پادشایٚ ورجأ ایتأ دس‌نیویشته اوسه کودید.

عِزرا 7:10

چره کی عِزرا خو دیلَ، خودا شریعتٚ وأمختنَ و اونَ انجام دَئنَ و اونٚ حوکمأن و دستورأنٚ یاد دَئنَ ایسرائیلٚ میأن بیسپرده‌بو.

عِزرا 7:12

«جٚه اردشیر، شاهٚ شاهأن، به عِزرا کی کاهنه و خودایٚ آسمانٚ شریعتَ خُب دأنه، سلام.

عِزرا 7:21

من، اردشیرٚ پادشا، تومامٚ ماوراءالنهرٚ خزانه‌دارأنٚ رِه ایتأ حوکم بینیویشتم کی هرچی عِزرا کی کاهنه و خودایٚ آسمانٚ شریعتَ خُب دأنه، شیمی جأ بخوأیه، تومام و کمال اونَ فراهم بوکونید:

عِزرا 7:6

هَه عِزرا بابِلٚ سرزیمینٚ جأ ویریشته بمو. اون، موسی شریعتٚ کی یهوه، ایسرائیلٚ خودا، فأدَه‌بو، اوستاد بو. پادشا هرچی کی عِزرا اونٚ جأ خوأستی اونَ فأدَه‌یی، چره کی یهوه دس، کی عِزرا اونَ پرستش کودی، اونٚ رو نهَه‌بو.

متّی 23:13

«وای بر شومأن، اَی دینٚ علما و فریسیأنٚ ریاکار! شومأن آسمانٚ پادشایی درَ مردومٚ‌ره دَودیدی؛ خودتأن واردَ نیبیدی و ونألید اوشأنی‌یم کی خوأییدی، بیشید بودورون.

متّی 23:2

«دینٚ علما و فریسیأن، موسی مسندٚ سر نیشته‌ییدی.