عِزرا 6:8 - کیتاب مقدّس به گیلکی (رشتی)

⁸ هَطویم فرمان دهم کی شومأن وأ چوطویی اَ یوهودٚ پیله کسأنَ معبد چأکودنٚ وأسی کومک بوکونید. تومامٚ خرج و مخارجم پادشا مال و منالٚ جأ، ینی ماوراءالنهرٚ خراجٚ جأ، اَ مردومأنَ فأدید تا کار نوخوسه.

عِزرا 6:8 ပူးပေါင်းရင်းမြစ်များ

عِزرا 4:16

هَنٚ وأسی پادشایَ وأخبرَ کونیم کی اگه اَ شهر دوواره چأکوده ببه و اونٚ دیفارأن بوجور بشه، ماوراءالنهرٚ جأ هیچی شمرَ نمأنه.»

عِزرا 4:23

وختی اردشیرٚ پادشا جواب، رِحوم و شِمشایی کاتب و اوشأنٚ همدسأنٚ ورجأ بخوأنده بوبوسته، اوشأن توند بوشویید یوهودیأنٚ ورجأ کی اورشلیمٚ دورون ایسَه‌بید و زور و قوّتٚ اَمرأ اوشأنَ وأدأشتیدی کی کارٚ جأ دس اوسأنید.

عِزرا 5:5

ولی یوهودیأنٚ خودا چومأن، یهودا پیله کسأنٚ رو نهَه‌بو و کسی‌یم نتأنستی اوشأنٚ کارٚ جولُویَ بیگیره تا ایتأ دس‌نیویشته داریوشٚ پادشا دس فأرسه و اونم خو جوابَ اَ کارٚ وأسی اوشأنٚ رِه بینیویسه و اوسه بوکونه.

عِزرا 6:14

و یوهودٚ پیله کسأن دوواره معبدٚ چأکودنَ ایدامه بدَه‌یید و او پیشگویی‌یأنٚ وأسی کی حَجَّی نبی و زکریا، عِدّو زأی، بوکوده‌بید، خوشأنٚ خوأسته‌یَ فأرسه‌ییدی. بأزین ایسرائیلٚ خودا فرمان و کوروش و داریوش و اردشیر، پارس پادشایأنٚ دستورأنٚ اَمرأ معبد چأکودنَ تومامَ کودیدی.

عِزرا 6:4

سه رَج بتأشته سنگأنٚ اَمرأ و ایتأ رَج الوارٚ چوبٚ مره چأکوده ببه و اونٚ خرج و مخارجم پادشا خزانه جأ فأدَه ببه.

عِزرا 6:7

و معبد چأکودنٚ رِه کاری نوأ دأشتنید. وئلید یوهودٚ فرماندار و یوهودیأنٚ پیله کسأن اَ معبدَ خو اوّلی جا سر، دوواره چأکونید.

عِزرا 6:9

همه‌تأن روزأن هرچی کی نیاز ایسه جٚه گاب و قوچ و بره کی خودایٚ آسمانَ سوجأنئنی قوربانی فأدید و گندم و نمک و شراب و روغن هَطویی کی اورشلیمٚ کاهنأن شمرَ گیدی، بدونٚ ایذره کم و زیادَ کودن اوشأنَ فأدَه ببه.

عِزرا 7:14

چره کی پادشا و اونٚ هفتأ مشاورأن ترَ اوسه کودیدی تا بیشی یهودا و اورشلیم، و اوشأنٚ اوضاع و احوالَ پورسٚ جو بوکونی تا بیدینی تی خودا شریعتٚ جأ کی تی دسٚ دورون نهَه ایطاعت کونیدی یا نه.

دانیال 6:26

فرمان دهم کی تومامٚ مردومأنٚ سرتاسرٚ می پادشایی وأ دانیالٚ خودا جُلُو ترسان و لرزان بیبید! چونکی اون خودایٚ زنده و اَبدی ایسه. اونٚ پادشایی نابودَ نیبه و اونٚ قودرت پایانی نأره.