عِزرا 5:8 - کیتاب مقدّس به گیلکی (رشتی)

⁸ پادشایَ وأخب‌دارَ کونیمی کی اَمأن، یوهودیأنٚ سرزیمین، پیله خودا معبدَ بوشوییم و بیده‌ییمی کی اوشأن، او معبدَ پیله‌دأنه بتأشته سنگأنٚ اَمرأ چأکودَن‌دریدی و اونٚ دیفارأنٚ لا میأنی چوب نهیدی و اَ کار اوشأنٚ دسٚ اَمرأ دیقتٚ اَمرأ و توند توندی پیش شوئون دره.

عِزرا 5:8 ပူးပေါင်းရင်းမြစ်များ

عِزرا 2:1

اَشأنیدی مردومأنی‌یَ کی نبوکدنصر، بابِلٚ پادشا، تبعید ببرده‌بو خو سرزیمینٚ میأن. بأزین اوشأن اسارتٚ جأ وأگردستیدی اورشلیم کی یهودا اوستانٚ میأن نهَه و هر کودام بوشوییدی خوشأنٚ شهرٚ دورون.

عِزرا 5:7

او دس‌نیویشته میأن کی اونٚ رِه اوسه کودیدی، اَطویی بینیویشته بوبوسته‌بو: «داریوشٚ پادشا جان ساق و سالم ببه!

عِزرا 5:9

بأزین اوشأنٚ پیله کسأنٚ اَمرأ گب بزه‌ییمی و وأورسه‌ییم: ‹کی شمرَ ایجازه بدَه کی اَ معبدَ چأکونید و اونَ کامیلَ کونید؟›

عِزرا 6:10

تا اَنکی اوشأن خوروم پیش‌کشی‌یأنَ خودایٚ آسمانَ فأدید و پادشا و اونٚ زأکأنٚ جان‌ساقی رِه دوعا بوکونید.

عِزرا 6:4

سه رَج بتأشته سنگأنٚ اَمرأ و ایتأ رَج الوارٚ چوبٚ مره چأکوده ببه و اونٚ خرج و مخارجم پادشا خزانه جأ فأدَه ببه.

عِزرا 7:23

هرچی کی خودایٚ آسمان فرمان بدَه، دیقتٚ اَمرأ هو خودا معبدٚ رِه انجام ببه، نوکونه خودا غیظ، پادشا سرزیمین و اونٚ پسرأنٚ سر بأیه.

استر 1:1

اَ پیشامدأن هو زمانی ایتفاق دکفته کی خشایارشاه، صد و بیست و هفت ولایتَ حکومت کودی، کی جٚه هندوستانٚ مرز تا جنوبٚ مصر بو

استر 1:22

پادشا اَ دستورَ نامه‌یأنٚ میأنی تومامی‌یٚ ولایتأنَ، به اوشأنٚ دستخط و اوشأنٚ قومٚ زبان اوسه کوده کی مردأکأن وأ خانه میأنی رئیس بیبید.

دانیال 2:47

پادشا دانیالَ بوگفته: «رأس رأسی شیمی خودا، خودایٚ خودایأن و پادشایأنٚ سروره و هونه کی اسرارَ نیشأن دهه، چونکی تو بتأنستی اَ رازَ آشکار بوکونی.»

دانیال 3:26

بأزین نبوکدنصر بوشو آتشٚ دَهنه جُلُو و بوگفته: «شَدرَک، میشَک، عَبِدنِغو کی خودای موتعالَ خدمت کونیدی، بأیید بیرون و اَیه بئسید!» و هو لحظه شَدرَک، میشَک و عَبِدنِغو آتشٚ جأ بیرون بموییدی.

دانیال 4:2

اَطو صلاح بیدم نیشأنه‌یأن و معجزه‌یأنی کی خودایٚ موتعال مرَ عطا بوکوده شِمرِه بگم.

دانیال 6:26

فرمان دهم کی تومامٚ مردومأنٚ سرتاسرٚ می پادشایی وأ دانیالٚ خودا جُلُو ترسان و لرزان بیبید! چونکی اون خودایٚ زنده و اَبدی ایسه. اونٚ پادشایی نابودَ نیبه و اونٚ قودرت پایانی نأره.