عِزرا 5:5 - کیتاب مقدّس به گیلکی (رشتی)

⁵ ولی یوهودیأنٚ خودا چومأن، یهودا پیله کسأنٚ رو نهَه‌بو و کسی‌یم نتأنستی اوشأنٚ کارٚ جولُویَ بیگیره تا ایتأ دس‌نیویشته داریوشٚ پادشا دس فأرسه و اونم خو جوابَ اَ کارٚ وأسی اوشأنٚ رِه بینیویسه و اوسه بوکونه.

عِزرا 5:5 ပူးပေါင်းရင်းမြစ်များ

عِزرا 7:28

و اونٚ موحبتٚ وأسی پادشا و اونٚ مشاورأن و تومامٚ پادشا پور قوّتٚ پیله کسأن، مرَ قوبیل دأریدی. من جٚه اَ خأطر کی می خودا، یهوه دس می رو نهَه‌بو، می دیل قورصَ بوسته و تومامٚ ایسرائیل رئیسأنَ جمَ کودم تا می اَمرأ بأیید.

عِزرا 7:6

هَه عِزرا بابِلٚ سرزیمینٚ جأ ویریشته بمو. اون، موسی شریعتٚ کی یهوه، ایسرائیلٚ خودا، فأدَه‌بو، اوستاد بو. پادشا هرچی کی عِزرا اونٚ جأ خوأستی اونَ فأدَه‌یی، چره کی یهوه دس، کی عِزرا اونَ پرستش کودی، اونٚ رو نهَه‌بو.

عِزرا 8:22

چره کی مرَ خجالت اَمویی کی پادشا جأ لشکر و سوار بخوأیم تا اَمرَ رأ دورونی دوشمنأنٚ جأ موحافظت بوکونید. چونکی قبلنأن پادشایَ بوگفته‌بیم: «اَمی خودا دسٚ جأ تومامٚ کسأنی‌یَ کی اونَ بخوأیید، خیر و برکت فأرسه، ولی اونٚ قودرت و غیظ تومامٚ اوشأنٚ ضد ایسه کی اونَ ترکَ کونیدی.»

مزامیر 32:8

خوداوند فرمأیه: «ترَ دانایی فأدم و هو رأهی کی وأستی بیشی ترَ هیدایت کونم، هَطویی کی می چومأن ترَ فندره، ترَ نصیحت کونم.

مزامیر 33:18

رأس رأسی خوداوندٚ چومأن کسأنی‌یَ فندره کی اونٚ جأ حیساب بریدی، اوشأنی‌یَ کی خودا موحبتَ اومید دأریدی،

مزامیر 34:15

خوداوندٚ چوم پارسا آدمأنَ فندره و اونٚ گوش، اَشأنٚ کومکٚ ایجگره صدایَ ایشنأوه.

فیلیپیان 1:28

و هیچ کارٚ دورون موخالفأنٚ جأ نوأ ترسئنید، کی هَن اوشأنٚ هلاکَ بوستن و شیمی نجاتَ نیشأن دهه، و اَن خودا جأ ایسه.

۱پطرس 3:12

چونکی خوداوندٚ چوم پارسا آدمأنَ فندره و اوشأنٚ دوعایَ گوش دهه ولی خو رویَ بدکارأنٚ جأ وأگردأنه.»