عِزرا 5:16 - کیتاب مقدّس به گیلکی (رشتی)

¹⁶ بأزین شِیشبَصَّر بمو معبدٚ پاکارَ اورشلیمٚ میأن بکنده و جٚه او زمأت تا هسأ اونٚ چأکودن ایدامه دأره و هنوز تومامَ نوبوسته.›

عِزرا 5:16 ပူးပေါင်းရင်းမြစ်များ

عِزرا 3:10

وختی بنایأن، خوداوندٚ معبدٚ پاکارَ بکندید، کاهنأن خوشأنٚ کاهنی رخت و لیباسَ دوکودید و کرنا اَمرأ و لاویأن بنی آسافٚ پسرأن خوشأنٚ سنجأنٚ اَمرأ ویریشتیدی تا خوداوندَ هوطو کی داوود، ایسرائیلٚ پادشا دستور بدَه‌بو، ستایش بوکونید

عِزرا 3:8

دوّمی ماه جٚه دوّمی سال، بعدٚ اَنکی قوم فأرسه‌یید هو جایی کی معبد قبلنأن اورشلیمٚ میأن نهَه‌بو، زروبابِل، شِئَلتیئیلٚ زأی و یِشوعَ، یوصاداقٚ زأی خوشأنٚ الباقی دینی برأرأنٚ اَمرأ، ینی کاهنأن و لاویأن و تومامٚ کسأنی‌یَ کی تبعیدٚ جأ، اورشلیمَ وأگردسته‌بید، شروع به کار بوکودید. اوشأن لاویأنی کی بیست سال یا ویشتر دأشتیدی بنَه‌یید کی معبدٚ کارأنَ نظارت بوکونید.

عِزرا 5:14

و هَطویم معبدٚ طلا و نقره ظرفأنَ کی نبوکدنصر، اورشلیمٚ معبدٚ جأ اوسأده‌بو و ببرده‌بو بابِلٚ معبدٚ دورون، کوروشٚ پادشا، بابِلٚ معبدٚ جأ بیرون بأورده و بیسپرده اینفرٚ دس، شِیشبَصَّر نام، کی اونَ والی چأکوده‌بو

عِزرا 5:15

و اونَ بوگفته: ‹اَ ظرفأنَ اوسأن و بوشو. اوشأنَ بنَه او معبدی کی اورشلیمٚ دورون نهَه و وهل معبد خو اوّلی جاجیگاه میأن دوواره چأکوده ببه.“

عِزرا 5:2

هو زمأتم زروبابِل، شالتیئیلٚ زأی و یِشوعَ، یوصاداقٚ زأی، ویریشتیدی کی معبدَ دوواره چأکونید و خودا پیغمبرأن اوشأنٚ اَمرأ بید و کومک کودیدی.

عِزرا 6:15

اَ معبد چأکودن، داریوشٚ پادشا حکومتٚ شیشمی سال، سومی روزٚ ماهٚ اَذار تومام بوبوست.

یوحنا 2:20

یهودیأن اونَ بوگفتیدی: «اَ معبدٚ ساختن چهل و شیش سال طول بکشه، و الأن تو خوأیی سه روزَ اونَ چأکونی؟»