عِزرا 4:3 - کیتاب مقدّس به گیلکی (رشتی)

³ ولی زروبابِل و یِشوعَ و الباقی خاندأنأنٚ پیله کسأن اوشأنَ بوگفتیدی: «اَمأن معبدٚ چأکودنٚ وأسی شیمی اَمرأ کاری نأریمی. بلکی اَمأن خودمأن تنها تنها، اونَ یهوه، ایسرائیلٚ خودا رِه چأکونیمی، هوطو کی کوروش، پارسٚ پادشا اَمرَ فرمان بدَه.»

عِزرا 4:3 ပူးပေါင်းရင်းမြစ်များ

عِزرا 1:1

کوروش، پارسٚ پادشا اوّلی سالٚ سلطنتٚ میأن، اَنٚ وأسی کی خوداوندٚ کلام کی اِرمیا زوانٚ اَمرأ بوگفته بوبوسته‌بو، به انجام فأرسه، خوداوند، کوروش، پارسٚ پادشا روحَ لمس بوکوده و اونم ایتأ دستور، خو تومامٚ سرزیمینأنَ اوسه کوده کی اَطویی اونٚ دورون بینیویشته بو:

عِزرا 1:2

«کوروش، پارسٚ پادشا، اَطو فرمأیه: یهوه، آسمانأنٚ خودا، تومامٚ دونیا سرزیمینأنَ می دس بیسپرده و مرَ فرمان بدَه اورشلیمٚ میأن کی یهودا اوستانٚ دورون نهَه، ایتأ معبد اونٚ رِه چأکونم.

عِزرا 1:3

شیمی میأنی، هر کی اونٚ قوم شینه - خودایم اونٚ اَمرأ ببه - تأنه بشه اورشلیم کی یهودا اوستانٚ میأن نهَه و یهوه معبدَ چأکونه، ایسرائیلٚ خودا کی اویه حوضور دأره.

عِزرا 3:8

دوّمی ماه جٚه دوّمی سال، بعدٚ اَنکی قوم فأرسه‌یید هو جایی کی معبد قبلنأن اورشلیمٚ میأن نهَه‌بو، زروبابِل، شِئَلتیئیلٚ زأی و یِشوعَ، یوصاداقٚ زأی خوشأنٚ الباقی دینی برأرأنٚ اَمرأ، ینی کاهنأن و لاویأن و تومامٚ کسأنی‌یَ کی تبعیدٚ جأ، اورشلیمَ وأگردسته‌بید، شروع به کار بوکودید. اوشأن لاویأنی کی بیست سال یا ویشتر دأشتیدی بنَه‌یید کی معبدٚ کارأنَ نظارت بوکونید.

متّی 10:16

می وأسی شمرَ والی‌یأن و پادشایأنٚ ورجأ بریدی، و شِمره ایتأ فرصتی ایسه کی اوشأنٚ ورجأ و دیگر قومأنٚ رِه شهادت بدید.

یوحنا 4:9

زن اونَ بوگفته: «چوطو تو کی یهودی ایسی، از من کی ایتأ زنٚ سامری‌یم، آب خوأیی؟» چونکی یهودیأن سامریأنٚ اَمرأ هیچ معاشرتی نأشتیدی.

اعمالٚ رسولأن 8:21

تو اَ خدمتٚ میأن هیچ سهمی نأری، چونکی تی دیل خودا ورجأ صاف نی‌یه.