عِزرا 4:20 - کیتاب مقدّس به گیلکی (رشتی)

²⁰ پور زور و قوّتٚ پادشایأن، اورشلیمٚ میأن ایسَه‌بید کی تومامٚ ماوراءالنهرَ حکومت کودیدی و جزیه و خراجٚ و باج فیگیفتیدی.

عِزرا 4:20 ပူးပေါင်းရင်းမြစ်များ

پیدایش 15:18

هو روز خوداوند ابرامٚ اَمرأ عهد و پیمان دَوسته و بوگفته: «اَ سرزیمینَ تی زأکأنَ بخشم، جٚه مصرٚ روخان تا پیله روخان کی فرات ببه.

عِزرا 4:13

هَطویم پادشا وأستی وأخبرَ به کی اگه اَ شهر دوواره چأکوده ببه و اونٚ دیفارأن بوجور بشه، اوشأن دِه جزیه و خراج و باجَ فئندید و آخرٚ سر پادشا خزانه‌یَ ضرر زنیدی.

عِزرا 4:16

هَنٚ وأسی پادشایَ وأخبرَ کونیم کی اگه اَ شهر دوواره چأکوده ببه و اونٚ دیفارأن بوجور بشه، ماوراءالنهرٚ جأ هیچی شمرَ نمأنه.»

عِزرا 4:19

ایتأ فرمان می جأ اوسه کوده بوبوسته، بأزین اوشأن وأرس دپرس بوکودید و بفأمستید کی اَ شهرٚ مردوم جٚه اولأرسالان پادشایأنٚ ضد ویریشتیدی و شورش و فیتنه اونٚ دورون ایتفاق دکفتی.

عِزرا 4:21

هسأ شومأن وأ ایتأ فرمان بدید کی او مردأکأنٚ کارٚ جُلُو بیگیفته ببه تا او زمأتی کی من حوکم نوکودم، اَ شهر چأکوده نبه.

عِزرا 7:24

هَطویم وأستی بدأنید کی حق نأریدی کاهنأن و لاویأن و سرود خوأنأن و دربانأن و هَطویم معبدٚ ختمتگوزارأنٚ جأ و هرکی‌یم کی اَ معبدٚ دورون کار کونه، جزیه و باج و خراج فیگیرید.

متّی 9:9

وختی عیسی او شهرَ ترکَ کودَن دوبو، ایتأ مردأکَ بیده کی اونٚ نام متّی بو. متّی جایی کی خراج فیگیریدی نیشته‌بو. عیسی اونَ بوگفته: «می دونبألسر بیأ!» متّی ویریشته و اونٚ دونبألسر رأ دکفته بوشو.