عِزرا 4:12 - کیتاب مقدّس به گیلکی (رشتی)

¹² پادشایَ وأخبرَ کونیمی کی یوهودیأنی کی جٚه تی ورجأ، اَمی ورجأ بموییدی، اورشلیمَ فأرسه‌ییدی، و هسأ او شهری‌یَ کی پور جٚه فیتنه و شرارت بو دوواره چأکودَن‌درید. اوشأن دیفارأنَ بوجور بردَن‌دریدی و پاکارأنَ کندَن‌درید.

عِزرا 4:12 ပူးပေါင်းရင်းမြစ်များ

عِزرا 4:11

هَن ایسه دس‌نیویشته جٚه او عرضٚ حال کی پادشایَ اوسه کودید: «پادشا اردشیرٚ رِه، جٚه تی ختمتگوزارأن کی ماوراءالنهرٚ میأن زندگی کونیمی:

عِزرا 4:15

تا تاریخٚ کیتابٚ دورون کی شیمی پئرأنٚ شین بو، وأمجید و اَ کیتابٚ جأ شومأن متوجه بیدی کی اَ شهر، شهری ایسه پور جٚه فیتنه و شرارت و موشکلأنی پادشایأن و سرزیمینأنٚ رِه کی جٚه اولأرسالان اونٚ میأن فیتنه تأودَه‌ییدی و هَنٚ وأسی اَ شهر جٚه بین بوشو.

عِزرا 4:19

ایتأ فرمان می جأ اوسه کوده بوبوسته، بأزین اوشأن وأرس دپرس بوکودید و بفأمستید کی اَ شهرٚ مردوم جٚه اولأرسالان پادشایأنٚ ضد ویریشتیدی و شورش و فیتنه اونٚ دورون ایتفاق دکفتی.

عِزرا 5:3

هو وخت، تَتِنایی، ماوراءالنهرٚ والی و شِتَربوزِنای و اوشأنٚ همدسأن بموییدی اوشأنٚ ورجأ و اَطویی بوگفتیدی: «کی شمرَ ایجازه بدَه کی اَ معبدَ دوواره چأکونید و اونَ کامیلَ کونید؟»

عِزرا 5:9

بأزین اوشأنٚ پیله کسأنٚ اَمرأ گب بزه‌ییمی و وأورسه‌ییم: ‹کی شمرَ ایجازه بدَه کی اَ معبدَ چأکونید و اونَ کامیلَ کونید؟›

استر 3:8

هامان، خشایارشایَ بوگفته: «قومأنٚ میأنی، قومی ایسَه کی تومامٚ ولایتأنٚ شیمی مملکتٚ دورون پخش و پلاییدی کی اَشأنٚ رسم و رسوم قومأنٚ دیگرٚ اَمرأ فرق کونه و پادشا قوانینَ اجرا نوکونیدی. اوشأنٚ تحمل کودن به سودٚ پادشا نی‌یه.

دانیال 3:8

او وخت چند نفر اُسطُرلابچی بموییدی جُلُو و یوهودیأنٚ جأ شکایت بوکودیدی.

دانیال 9:25

«تو وأ بدأنی و آگاه بیبی کی جٚه فرمانٚ دوواره آباد کودنٚ اورشلیم، تا اَمونٚ او کسی کی خودا مسح بوکوده، هفت هفته و شصت و دو هفته دیگر زمأن بره. بأزین اورشلیمٚ کوچه‌یأن و اونٚ خندق، موصیبتٚ زمأنٚ میأن، دوواره چأکوده به.

لوقا 13:34

«اَی اورشلیم، اَی اورشلیم، اَی شهری کی انبیایَ کوشی و پیغمبرأنی کی تی ورجأ اوسه کوده‌به، سنگسارَ کونی، چقده آرزو دأشتیم مرغٚ مأنستن کی خو جوجه‌یأنَ خو پَر و پالٚ جیر گیره، تی زأکأنَ می ورجأ جمَ کونم ولی تو ونأشتی.

اعمالٚ رسولأن 24:5

«اَمرَ آشکارَ بوسته کی اَ مردای، آدمٚ فتنه‌یی ایسه کی تومامٚ دونیا یهودیأنٚ میأن شورش به پا کونه و ایتأ جٚه سرأنَ فرقه‌یٚ ناصری‌یم ایسه.