عِزرا 4:1 - کیتاب مقدّس به گیلکی (رشتی)

¹ وختی یهودا و بنیامینٚ دوشمنأن بیشتأوستیدی کی قومی کی تبعیدٚ جأ وأگردسته‌بید، یهوه، ایسرائیلٚ خودا رِه معبد چأکودَن‌دریدی،

عِزرا 4:1 ပူးပေါင်းရင်းမြစ်များ

عِزرا 1:11

تومامٚ ظرف و ظروفأنٚ طلا و نقره، سرٚ هم پنج هیزار و چأرصدتأ بو. شِیشبَصَّر تومامٚ اوشأنَ، تبعید بوسته‌یأنٚ اَمرأ کی بابِلٚ جأ وأگردستَن دیبید اورشلیم، خو اَمرأ ببرده.

عِزرا 10:16

بأزین اوشأنی کی تبعیدٚ جأ وأگردسته‌بید اَطویی بوکودید. عِزرا کی کاهن بو، مردأکأنَ خاندأنأنٚ پیله کسأنٚ جأ اینتخاب بوکوده و تومامٚ اوشأنٚ ایسمَ بینیوشته. اوشأن اوّلی روزٚ دهمی ماه میأن، اَ موضوع‌یٚ وارسی کودنٚ وأسی بینیشتید.

عِزرا 10:7

بأزین سرتاسرٚ یهودا و اورشلیمٚ دورون حوکم بوکودیدی کی اوشأنی کی تبعیدٚ جأ وأگردسته‌بید وأستی اورشلیمٚ میأن جمَ بید.

عِزرا 3:13

جوری کی مردوم نتأنستیدی شادی فریادَ، ایجگره جأ فرق بنید، چره کی قومٚ فریاد اونقدر بولند بو کی اوشأنٚ صدا دورٚ جأ بیشنأوسته بوستی.

عِزرا 6:16

بأزین بنی‌ایسرائیل، ینی کاهنأن و لاویأن و تومامٚ کسایی کی تبعیدٚ جأ وأگردسته‌بید، شوق و ذوقٚ اَمرأ معبدٚ وقفٚ رِه جشن بیگیفتیدی.

عِزرا 7:9

اون، اوّلی روز جٚه اوّلی ماه، بابِلٚ جأ بیرون بوشو و خو سفرَ شروع بوکوده و اوّلی روز جٚه پنجمی ماه، فأرسه اورشلیم چونکی خودا لطف و موحبت اونٚ اَمرأ بو.

دانیال 5:13

دانیالَ بأوردیدی پادشا ورجأ. بأزین پادشا دانیالَ وأورسه: «تو هو دانیالی ایسی کی می پیله پئر ترَ یهودا سرزیمینٚ جأ بأورده اَیه اسیری؟

دانیال 9:25

«تو وأ بدأنی و آگاه بیبی کی جٚه فرمانٚ دوواره آباد کودنٚ اورشلیم، تا اَمونٚ او کسی کی خودا مسح بوکوده، هفت هفته و شصت و دو هفته دیگر زمأن بره. بأزین اورشلیمٚ کوچه‌یأن و اونٚ خندق، موصیبتٚ زمأنٚ میأن، دوواره چأکوده به.