عِزرا 3:8 - کیتاب مقدّس به گیلکی (رشتی)

⁸ دوّمی ماه جٚه دوّمی سال، بعدٚ اَنکی قوم فأرسه‌یید هو جایی کی معبد قبلنأن اورشلیمٚ میأن نهَه‌بو، زروبابِل، شِئَلتیئیلٚ زأی و یِشوعَ، یوصاداقٚ زأی خوشأنٚ الباقی دینی برأرأنٚ اَمرأ، ینی کاهنأن و لاویأن و تومامٚ کسأنی‌یَ کی تبعیدٚ جأ، اورشلیمَ وأگردسته‌بید، شروع به کار بوکودید. اوشأن لاویأنی کی بیست سال یا ویشتر دأشتیدی بنَه‌یید کی معبدٚ کارأنَ نظارت بوکونید.

عِزرا 3:8 ပူးပေါင်းရင်းမြစ်များ

عِزرا 10:18

کاهنأنٚ نسلٚ جأ، مردأکأنی کی بیگانه زنأکأنٚ اَمرأ عروسی بوکوده‌بید، اَشأن بید: یِشوعَ خاندانٚ جأ، یوصاداقٚ زأی و اونٚ برأرأن: مَعَسیا و اِلعازار و یاریب و جِدَلیا.

عِزرا 2:2

اوشأن زروبابِل، یِشوعَ، نِحِمیا، سِرایا، رِعیلایا، مردخای، بِلشان، مِسفار، بِغوای، رِحوم و بَعَنا اَمرأ بموییدی. ایسرائیلی مردأکأن کی بموییدی اَشأن بید:

عِزرا 3:2

بأزین یِشوعَ، یوصاداقٚ زأی و اونٚ برأرأن کی کاهن بید و هَطویم زروبابِل، شِئَلتیئیلٚ زأی و اونٚ برأرأن ویریشتیدی و ایسرائیلٚ خودا رِه قوربانگاه چأکودید تا هوطو کی خودا اینتخاب بوبوسته مردأی ینی موسی، توراتٚ دورون بمو بو، سوجأنئنی قوربانی‌یأنَ اونٚ سر پیش‌کش بوکونید.

عِزرا 4:24

او وخت معبدٚ کار کی اورشلیمٚ میأن نهَه‌بو، هوطو بمأنسته تا داریوش، پارسٚ پادشا سلطنتٚ دوّمی سالٚ میأنی.

عِزرا 4:3

ولی زروبابِل و یِشوعَ و الباقی خاندأنأنٚ پیله کسأن اوشأنَ بوگفتیدی: «اَمأن معبدٚ چأکودنٚ وأسی شیمی اَمرأ کاری نأریمی. بلکی اَمأن خودمأن تنها تنها، اونَ یهوه، ایسرائیلٚ خودا رِه چأکونیمی، هوطو کی کوروش، پارسٚ پادشا اَمرَ فرمان بدَه.»

عِزرا 5:16

بأزین شِیشبَصَّر بمو معبدٚ پاکارَ اورشلیمٚ میأن بکنده و جٚه او زمأت تا هسأ اونٚ چأکودن ایدامه دأره و هنوز تومامَ نوبوسته.›

عِزرا 5:2

هو زمأتم زروبابِل، شالتیئیلٚ زأی و یِشوعَ، یوصاداقٚ زأی، ویریشتیدی کی معبدَ دوواره چأکونید و خودا پیغمبرأن اوشأنٚ اَمرأ بید و کومک کودیدی.